دۇنيەجۇزىندەگى قىمبات ساعاتتاردى بىلەسىز بە؟

استانا. قازاقپارات - ءار جىل سايىن ءسان رەتىندە پايدالانىلاتىن اشەكەيلەردىڭ ءبىرى - ساعات.

Patek Philippe Henry Graves Supercomplication - دۇنيەجۇزىندەگى قىمبات ساعات رەتىندە 3- ورىندا تۇر. بۇل ساعاتقا قاتىستى قىزىقتى تاريحي دەرەكتەر بار.

 امەريكانىڭ اۋقاتتى ەكى تۇرعىنى كىمگە كۇردەلى ساعات بۇيىرادى دەپ باستەسەدى. بۇل باسەكەنى گرەيۆز جەڭىپ، ول ءۇشىن ارنايى 900 بولشەكتەن تۇراتىن التىن ساعات دايىندالعان.

 ساعاتتىڭ سيفەربلاتىندا جۇلدىزدى اسپان بەينەسى مەن ءارتۇرلى 24 قىزمەت اتقارۋ دەڭگەيى ساعاتتى تەڭدەسسىز ەتكەن. ارادا 70 جىل وتكەننەن كەيىن بۇل ساعات Sotheby's اۋكتسيونىندا 11 ميلليون دوللارعا ساتىپ الىنعان.

 201-carat Chopard   ساعاتى الەمدەگى قىمبات ساعات رەتىندە 2 - ورىندا. بۇل ساعات 874 اسىل تاستارمەن بەزەندىرىلگەن. كىشىگىرىم سيفەربلاتى 3 بريلليانت تاستارمەن كومكەرىلگەندىكتەن 25 ميلليون دوللارعا باعالانعان.

 شۆەيتساريالىق Jaeger- LeCoultre فيرماسى شىعارعان Joaillene Manchette الەمدەگى ەڭ قىمبات ساعات بولىپ ەسەپتەلەدى. اق التىننان جاسالعان اشەكەي سيفەربلاتى 576 بريلليانت پەن 11 ونيكس كريستالدارى مەن ساپفير شىنىلارىمەن بەزەندىرىلگەن. ساعاتتىڭ قۇنى -  26 ميلليون دوللار.