ەلباسى: يننوۆاتسيالار - قازاقستان دامۋىنىڭ ستراتەگيالىق باعىتى - فوتو
مەملەكەت باسشىسىنىڭ قۇتتىقتاۋ ءسوزىن ق ر پرەمەر-ءمينيسترى كارىم ءماسىموۆ وقىپ بەردى.
«ءتۇرلى سالالارعا يننوۆاتسيالاردى ازىرلەۋ مەن ەنگىزۋ - مەملەكەت دامۋىنىڭ ستراتەگيالىق باعىتى. ول ءۇشىن بارلىق قاجەتتى جاعدايلار قالىپتاسىپ جاتىر جانە يننوۆاتسيالىق ۇدەرىستى قولداۋدىڭ قازىرگى زامانعى ينفراقۇرىلىمى قۇرىلۋدا. ياعني بۇل تۇرعىدا يدەيالاردى قالىپتاستىراۋدان ونى وندىرىستە قولدانۋعا دەيىنگى شارالار قامتىلىپ وتىر. يننوۆاتسيالىق بەلسەندىلىك، بيزنەس، عىلىم جانە ءبىلىم اراسىندا قالىپتاسقان ارەكەتتەستىك - ەكونوميكانىڭ شيكىزاتتان يننوۆاتسيالىق تۇرگە ءساتتى كوشۋىنىڭ كەپىلى»، - دەپ اتاپ وتىلگەن ق ر پرەزيدەنتى سوزىندە.
ەلباسى قۇتتىقتاۋىندا بۇگىنگى فورۋم سالاداعى ىنتىماقتاستىقتى دامىتۋ ءۇشىن ءتيىمدى الاڭ ەكەنى، سونداي-اق قوعامعا الدىڭعى قاتارلى تەحنولوگيالىق بيزنەستى تارتۋ بويىنشا بىرەگەي مۇمكىندىك بولاتىنى جانە ەلىمىزدە يننوۆاتسيانى دامىتۋعا جاڭا سەرپىن بەرەتىندىگى ايتىلعان.
«وسى شارانى وتكىزۋ قازاقستاندى پوستكەڭەستىك كەڭىستىكتە نەگىزگى تەحنولوگيالىق حاب رەتىندە ورنىقتىرۋعا ىقپال ەتەتىنىنە سەنىمدىمىن. فورۋمنىڭ بارلىق قاتىسۋشىلارىنا جەمىستى جۇمىس، شىعارماشىلىق تابىس تىلەيمىن»، - دەدى ق ر پرەزيدەنتى ءوز سوزىندە.
