عالىمدار بالا تاربيەسىندە انانىڭ سارقىلماس ءتوزىمى قايدان كەلەتىنىن انىقتاۋعا تىرىستى

استانا. قازاقپارات - بالالارىنىڭ ءوسىپ، جەتىلۋى ءۇشىن انا قولىنان كەلگەننىڭ ءبارىن جاساۋعا ءازىر.

اريزونا (The University of Arizona) ۋنيۆەرسيتەتىنىڭ زەرتتەۋشىلەرى ايەل ادامعا ءتان وسى شىدامدىلىق پەن بالاعا دەگەن ماحابباتتىڭ قۇدىرەتتى كۇشى قايدان كەلەتىنىن ىزدەپ كوردى. تاجىريبەلىك زەرتتەۋگە ورتا جانە جوعارى ءبىلىمى بار 2000-نان استام انا قاتىستى، دەپ جازادى «Prothom Alo».

ولاردان ەڭ باستىسى انا مىندەتىن اتقارۋ ءۇشىن، شارشاماي، تالماي قىزمەت ەتەتىن كۇش- جىگەر قايدان داريتىنى سۇرالدى. زەرتتەۋ قورىتىندىسىندا ساۋالناماعا جاۋاپ بەرگەن ايەلدەردىڭ نەگىزگى ويلارى ىرىكتەلىپ، قورىتىندى جاساۋ ءۇشىن باستى نازارعا الىندى.

«مۇندا جەتى فاكتوردىڭ تورتەۋىنە باسىمدىق بەرىلدى: اناسىنىڭ بالاعا قاتىستى نە نارسەنى بولسىن شىن جۇرەگىمەن قابىلداۋى، سابىر، قارىم-قاتىناستا شىنايى بولۋى، دوس تۇتا ءبىلۋى بولدى. وسى قاسيەتتىڭ ارقاسىندا انالار ءومىردىڭ كۇردەلى كەزەڭىندە سابىرلىلىق ساقتاي بىلگەن»، دەلىنگەن مالىمدەمەدە.

زەرتتەۋ اۆتورلارى، سونداي-اق بالا تاربيەسىندە ەرلى-زايىپتىلار اراسىنداعى ءوزارا قاتىناستى ماڭىزدى دەپ ەسەپتەيدى. الايدا، عالىمدار ول ايەلدىڭ بالاعا دەگەن ماحابباتىن ايقىنداۋشى فاكتور ەمەس دەيدى. دەگەنمەن، سۇرالعان ايەلدەردىڭ دەنى قولداۋ مەن تۇسىنىستىكپەن قاراۋعا مۇقتاج بولعانىن جەتكىزگەن.