كۇن سايىن سالماقتى ولشەۋ كۇيزەلىسكە اكەلەدى

 استانا. قازاقپارات - ميننەسوتا ۋنيۆەرسيتەتىنىڭ عالىمدارى زەرتتەۋ جۇرگىزدى. ناتيجەسىندە ولار ادامدارعا كۇندە سالماعىن ولشەۋدەن باس تارتۋدى ۇسىندى.

بۇل ارەكەت ءوزىن- ءوزى باعالاۋ دارەجەسىن تومەندەتىپ، ءتۇرلى پسيحيكالىق اۋرۋلاردىڭ دامۋىنا تۇرتكى بولۋى مۇمكىن.

ا ق ش عالىمدارى 10 جىلداي كۇن سايىن تارازىعا تۇرۋ ادەتى جاس ەرلەر مەن ايەلدەرگە قالاي اسەر ەتەتىنىن تەكسەردى. زەرتتەۋگە  1868 ادام قاتىستى، ولاردىڭ % 57 ايەل. ولار ءۇشىن كۇندە سالماعىن ولشەۋ ءوز- ءوزىن باعالاۋ دارەجەسىنىڭ تومەندەۋى، كۇيزەلىس بەلگىلەرىنىڭ ارتۋى مەن، الاڭداۋشىلىقتىڭ ءوسۋى سياقتى تەرىس فاكتورلاردى تۋدىردى.

 عالىمدار سالماقتى ءبىر ۋاقىتتا، كورسەتكىش وبەكتيۆتى بولۋى ءۇشىن تاعامدانعانعا دەيىن ولشەۋ كەرەكتىگىن اتاپ ءوتتى. ەگەر ءسىز كاسىبي سپورتشى بولماساڭىز، سالماعىڭىزدى كۇندە ولشەمەگەن ابزال. دۇرىسى، بۇل ۇدەرىستى اپتاسىنا ءبىر رەت جۇزەگە اسىرۋ، دەپ جازادى شەتەلدىك ب ا ق.