پايعامبارىمىز ﷺ ۇزبەي وقىعان دۇعا

استانا. قازاقپارات - ەڭ سەنىمدى حاديس كىتاپتارىندا كەزدەسەتىن بۇل دۇعانى بىزگە اتاقتى ساحابا ابدۋللا يبن ومار (ر. ا. ) جەتكىزگەن.

ول: «اللا ەلشىسى (ساللاللاھۋ ءالايھي ءۋا ءساللام) بۇل دۇعانى مىندەتتى تۇردە، كۇن سايىن تاڭەرتەڭ جانە كەشكە ۇزبەي وقيتىن ەدى»، - دەگەن. سونىمەن قاتار، ءاناس يبن ماليكتەن (ر. ا. ) جەتكەن ءبىر حاديستە، ساحابالاردىڭ ءبىرى: «ەڭ ابزال دۇعا قانداي؟»، - دەپ سۇراعاندا، پايعامبارىمىز (ساللاللاھۋ ءالايھي ءۋا ءساللام) وعان: «اللادان دۇنيەدە جانە اقىرەتتە كەشىرىم مەن ەسەندىك سۇراعان دۇعا»، - دەپ جاۋاپ بەرگەن.

الگى ادام وسى سۇراعىن ءۇش رەت قايتالاپ سۇراسا دا، پايعامبارىمىز (ساللاللاھۋ ءالايھي ءۋا ءساللام) ءدال وسى جاۋابىنان تانباعان. ءسويتىپ، ءسوزىنىڭ سوڭىندا: «دۇنيەدە جانە اقىرەتتە كۇنالارىڭ كەشىرىلىپ، ەسەندىك بەرىلسە، ناعىز باقىتقا بولەنگەنىڭ» - دەگەن. وسىعان بايلانىستى ءتيرميزيدىڭ «ءسۋنان» اتتى حاديس جيناعىنداعى ءبىر حاديستە حازىرەت ابباس (ر. ا. ) ءوزىنىڭ قارتايىپ اجالىنىڭ جاقىنداعانىن ايتىپ، پايعامبارىمىزدان اللا تاعالانىڭ قۇزىرىندا ساۋابى مول بولعان ءبىر دۇعا ۇيرەتۋىن قايتا- قايتا وتىنەدى. سوندا پايعامبارىمىز (ساللاللاھۋ ءالايھي ءۋا ءساللام) وعان: «اللادان دۇنيەدە جانە اقىرەتتە ەسەندىك تىلە»، - دەگەن. سونداي-اق، اتالمىش ەڭبەكتە ءاناس يبن ماليك (ر. ا. ) جەتكىزگەن باسقا ءبىر حاديستە پايعامبارىمىز (ساللاللاھۋ ءالايھي ءۋا ءساللام) ساحابالارىنا: «ازان مەن قامات اراسىندا وقىلعان دۇعا كەرى قايتارىلمايدى»، - دەگەندە، ساحابالار: «سول ۋاقىتتا نە دەپ دۇعا ەتەيىك؟»، - دەپ سۇرايدى. سوندا، پايعامبارىمىز (ساللاللاھۋ ءالايھي ءۋا ءساللام) ولارعا: «اللادان دۇنيەدە جانە اقىرەتتە ەسەندىك تىلەڭدەر»، - دەپ جاۋاپ بەرەدى.

وقىلۋى:

ءلا ءيلااھا يللاللاھۋ ۋاللاھۋ اكبار، ءلا ءيلااھا يللاللاھۋ ءۋاحداھۋ، ءلا ءيلااھا يللاللاھۋ ءلا شارييكا ءلاھۋ، ءلا ءيلااھا يللاللاھۋ لاھۋلمۋلكۋ ءۋا ءلاھۋل- حامدۋ، ءلا ءيلااھا يللاللاھۋ ءۋا ءلا ءحاۋلا ءۋا ءلا ءقۋۋاتا ءيللا ءبيللاھي. ءاللاھۋمما ينني اس'الۋكال ء'افياتا ءفيددۇنيا ءۋال- ءااحيرا. ءاللاھۋمما ينني اس'الۋكا ءال'افۋا ءۋال- ء'افياتا في دييني ءۋا ءدۇنيايا ءۋا ءاھلي ءۋا ءماالي، ءاللاھۋمما- ستۋر 'اۋرااتي ءۋا ءاامين راۋ'اتي.

اللاھۋمما- حفاز ني مين ءبايني ءيادايا ءۋا مين حالفي ءۋا 'ان ءيامييني ءۋا 'ان ءشيماالي ءۋا مين ءفاۋقي ءۋا ءا'ۋۋز ۋ بي'از اماتيكا ءان ءۋعتاالا مين تاحتي.

ماعىناسى:

اللادان باسقا ءتاڭىر جوق، اللا - ۇلى. اللادان باسقا ءتاڭىر جوق، ول - جالعىز. اللادان باسقا ءتاڭىر جوق، ونىڭ ەشبىر سەرىگى دە جوق. اللادان باسقا ءتاڭىر جوق، بار ماداق پەن بار بيلىك اللاعا تيەسىلى. اللادان باسقا ءتاڭىر جوق، بار كۇش تە، قۋات تا ءبىر اللاعا ءتان. ۋا، اللاھىم، ءبىر وزىڭنەن دۇنيەدە جانە اقىرەتتە ەسەندىك تىلەيمىن! ۋا، اللاھىم، ءبىر وزىڭنەن دىنىمە، دۇنيەدەگى تىرشىلىگىمە، وتباسىما جانە مال-مۇلكىمە كەشىرىم مەن ەسەندىك تىلەيمىن! ۋا، اللاھىم، كەمشىلىكتەرىمدى جاسىرا گور جانە بارلىق قورقىنىشتارىمدى سەيىلتە گور! ۋا، اللاھىم، مەنى الدىمنان، ارتىمنان، وڭىمنان، سولىمنان ءارى توبەمنەن تونەتىن بارلىق قاۋىپ-قاتەرلەردەن قورعاي گور! سونداي-اق، اياق استىنان وپاسىزدىققا ۇشىراۋدان ءبىر ءوزىڭ ساقتاي گور!

(ءسۋنانۋ ءابي ءداۋۋد، كيتابۋ ءال- ءاداب 4412؛ ءسۋنانۋ يبني ءماجا، كيتابۋ ءاد- دۋ'ا 3838, 3861؛ ءمۋسنادۋ ءاحماد يبن ءحانبال، ءمۋسنادۋ ءال- مۋكسيرينا مين ءاس- ساحابا 4554؛ ءسۋنانۋ تيرميزي كيتابۋ ءاددا'اۋات 3518)

«islam.kz»