پاريجدە نۇرسۇلتان نازاربايەۆتى جوعارى دەڭگەيدە قارسى الدى
«ەلباسىنىڭ پاريجگە بارعان رەسمي ساپارى كەزىندە مۇگەدەكتەر ۇيىندە سالتاناتتى شارا ءوتتى. ودان كەيىن نۇرسۇلتان نازاربايەۆ ەليسەي سارايىندا بولىپ، فرانسيا رەسپۋبليكاسىنىڭ پرەزيدەنتى فرانسۋا وللاندپەن كەزدەستى»، - دەپ اتاپ وتىلگەن حابارلامادا.
شارا كەزىندە قازاقستان پرەزيدەنتىن فرانسيا پرەمەر-ءمينيسترى كابينەتىنىڭ مەملەكەتتىك حاتشىسى ج. گۋەن مەن پاريج ق. اسكەري گۋبەرناتورىنىڭ وكىلى م. بازان قارسى الدى.
ولارمەن بىرگە مەملەكەت باسشىسى ەكى ەلدىڭ ءانۇراندارىن تىڭداۋ زالىنا باردى. بۇدان كەيىن نۇرسۇلتان نازاربايەۆ فرانسيا رەسپۋبليكاسىنىڭ تۋىن قارسى الىپ، قۇرمەتتى قاراۋىل ساپىن اينالىپ ءوتىپ، قۇرمەت قاراۋىل باستىعىنىڭ بايانداماسىن تىڭدادى.
اتاپ وتەيىك، اتالعان شارا كەلگەن قوناقتى ەرەكشە قۇرمەتتەۋدىڭ بەلگىسى جانە ەكى ەل ارىپتەستىگىنىڭ ستراتەگيالىق سيپاتىن كورسەتەدى.
مۇگەدەكتەر ءۇيى - ساۋلەت ەسكەرتكىشى. ونىڭ قۇرىلىسى XIV ليۋدوۆيكتىڭ بۇيرىعىمەن جاراقاتتانعان ساربازداردى كۇتۋ ءۇشىن 1670-جىلى باستالعان. ول پاريج بەن ەۋروپاداعى اتاقتى ساۋلەت قۇرىلىستارىنىڭ ءبىرى. بۇگىندە وندا بىرنەشە مۇراجاي مەن اسكەريلەر قورىمى ورنالاسقان.
