07:36, 06 - قاراشا 2015 | GMT +5
انا ءسابيىن قۇتقارۋ ءۇشىن اۆتوموبيل دوڭعالاعىنىڭ استىنا ءتۇستى - كەسكىن
استانا. قازاقپارات - ساراتوۆ وبلىسىندا انا بالاسىن اجالدان امان الىپ قالۋ ءۇشىن اۆتوموبيل دوڭعالاعىنىڭ استىنا قۇلادى.
بالاكوۆو ەلدى مەكەنىندە وقىس وقيعا ورىن الدى. ءبىر ايەل ادەيى اۆتوموبيل دوڭعالاعىنىڭ استىنا تۇسپەككە ۇمتىلدى.
كەيىننەن بەلگىلى بولعانداي، 5 - قاراشادا №1 قالالىق ەمحانا ماڭىندا ءبىر ايەل ورنىنان كۇرت قوزعالعان ماشينانىڭ كاپوتىنا قۇلاعان. ويتكەنى، جۇرگىزۋشى سول مەزەتتە وزگە كولىكتەن شىعا كەلگەن بالانى اڭعارماعان. ءسابي ماشينانىڭ سول جاعىندا بولعاندىقتان ءتىپتى ونى بايقاماعان دا. قىز بالا اناسىن كورگەن ساتتە دەرەۋ وعان قاراي تۇرا جۇگىرگەن. بۇدان قاتتى قورىققان انا وسىنداي ارەكەتپەن اۆتوموبيلدى توقتاتۋدى ۇيعاردى. ءبىر قۋانىشتىسى، بۇل وقىس وقيعادان ەشكىم دە زارداپ شەككەن جوق.
