استانادا بەس كوكونىس قويماسى مەن ەكى جىلىجاي سالىنىپ جاتىر

 استانا. قازاقپارات - ازىق- تۇلىك قاۋىپسىزدىگىن قامتاماسىز ەتۋ اياسىندا ەلوردادا كوكونىس قويمالارى مەن جىلىجايلار سالۋ جوبالارى جۇزەگە اسىرىلۋدا،

دەپ حابارلادى www.astana.gov.kz.

استانا قالاسى اۋىل شارۋاشىلى باسقارماسىنىڭ حابارلاۋىنشا، ازىق- تۇلىك بەلدەۋى شەكاراسىندا، سونىمەن قاتار استانا قالاسى اۋماعىن قوسقاندا 916 كاسىپورىن جۇمىس ىستەيدى.

استانا قالاسى اكىمدىگى قايتا وڭدەۋ كاسىپورىندارى مەن قالانىڭ ساۋدا ورىندارىنا ازىق- تۇلىك بەلدەۋىن دامىتۋ ماقساتىندا قولداۋ كورسەتەدى. وسى ماقساتتا اۋىل شارۋاشىلىعى تاۋار وندىرۋشىلەرىنە ءىرى ساۋدا ورتالىقتارىندا قوسىمشا الىمدار جويىلدى.

 ەلوردانى ازىق- تۇلىكپەن قامتاماسىز ەتۋ ماقساتىندا ارنايى قويمالار قاجەت. قازىرگى تاڭدا قالا اۋماعىندا 29 مىڭ توننا قۇرايتىن 7 كوكونىس جۇزەگە اسىرىلۋدا. كاسىپورىن جەلىسىن كەڭەيتۋ ماقساتىندا ساقتاۋ كولەمى 14,5 مىڭ توننا بولاتىن 5 كوكونىس قويماسى سالىنىپ جاتىر. ەلوردا اۋماعىندا 2 -جىلىجاي سالۋدى «استانا ەكو ستاندارت» ج ش س جانە «ناۋرزالينا» ج ك جۇزەگە اسىرۋدا. بۇگىندە جىلىنا 4,8 مىڭ توننالىق قۋاتى بار 2  جىلىجاي سالىنىپ جاتىر. بۇدان بولەك، جالپى كولەمى جىلىنا  10000 توننادان استام ءونىم شىعاراتىن 7 جىلىجاي جوسپارلانۋ ساتىسىندا تۇر.

 2017 - جىلى بارلىق جوبالار پايدالانۋعا بەرىلگەن ۋاقىتتا قالانىڭ جەمىس جانە كوكونىس ونىمدەرى (60000 توننا) مەن جىلىجاي ونىمدەرىن (ماۋسىمارالىق كەزەڭدە 8000 توننا) ساقتاۋ ماسەلەسى تولىقتاي شەشىلەدى دەپ كۇتىلۋدە.