00:01, 06 - قاراشا 2015 | GMT +5
ەليسەي سارايىندا قازاقستان مەن فرانسيا پرەزيدەنتتەرىنىڭ كەزدەسۋى وتۋدە
پاريج. قازاقپارات - ەليسەي سارايىندا قازاقستان پرەزيدەنتى نۇرسۇلتان نازاربايەۆ پەن فرانسيا پرەزيدەنتى فرانسۋا وللاندتىڭ كەزدەسۋى ءوتىپ جاتىر.
شاعىن جانە كەڭەيتىلگەن قۇرامداعى كەلىسسوزدەر بارىسىندا تاراپتار ەكى جاقتى ىنتىماقتاستىقتىڭ ءبىرقاتار ماسەلەلەرىن تالقىلايدى.
كەزدەسۋ قورىتىندىسى بويىنشا مەملەكەت باسشىلارىنىڭ بىرلەسكەن دەكلاراتسيا قابىلداۋى، سونداي-اق ءبىلىم سالاسى، فرانسيانىڭ حالىقارالىق «ەكسپو-2017» كورمەسىنە قاتىسۋى جانە باسقا دا ءبىرقاتار قۇجاتتارعا قول قويىلۋى جوسپارلانىپ وتىر.
ەسكە سالا كەتسەك، بۇگىن فرانسيا پرەزيدەنتى فرانسۋا وللاندتىڭ شاقىرۋىمەن ەلباسىنىڭ وسى ەلگە رەسمي ساپارى باستالدى.
