ن. نازاربايەۆ فرانسۋز بيزنەسمەندەرىن قازاقستاننىڭ ترانزيتتىك دالىزدەرىن پايدالانۋعا شاقىردى
بۇل تۋرالى ەلباسى بۇگىن پاريجدە فرانسياداعى ءىرى كومپانيالارىنىڭ باسشىلارىمەن كەزدەسۋ بارىسىندا ايتتى.
«ۇلى جىبەك جولىنىڭ ەكونوميكالىق بەلدەۋى قىتايلىق قۋاتتى باعدارلاماسىنا قوسىلدىق. اتاپ ايتقاندا، ول قۇرلىقپەن ءبىزدىڭ ەلىمىز ارقىلى وتەدى، ءبىز وسىعان دايىندالدىق. ەكى قۋاتتى تەمىر جول جەلىسى ءبىزدى ارى قاراي تىنىق مۇحيتى پورتتارىنا شىعۋ جولىمەن قىتاي حالىق رەسپۋبليكاسىمەن بايلانىستىرىپ وتىر. ودان كونتەينەرلەر ءبىزدىڭ اۋماق ارقىلى ەۋروپاعا جەتكىزىلەدى» ، - دەدى ن. نازاربايەۆ.
مەملەكەت باسشىسى وسى جولمەن 250 مىڭ كونتەينەر وتكىزىلگەنىن جانە ولاردىڭ كولەمى جىل سايىن ارتىپ، 500 مىڭ كونتەينەرگە جەتكىزىلەتىندىگىن اتاپ ءوتتى. بۇل جول ارقىلى جۇكتى 12-14 تاۋلىكتە جەتكىزۋگە بولادى، ال بۇرىندارى تەڭىزبەن جۇك تاسىمالى 40 تاۋلىككە دەيىن جالعاساتىن.
«تەڭىزدەرگە تىكەلەي شىعاتىن جولى جوق مەملەكەت بولعاندىقتان، كاسپي تەڭىزىندە پورتتاردى دامىتۋ، پاروممەن باكۋ، قارا تەڭىز ارقىلى ەۋروپاعا شىعۋ اياسىندا جۇمىس ىستەۋدەمىز» ، - دەدى پرەزيدەنت.
سونىمەن قاتار ەلباسى قۇرلىسى جۇزەگە اسىرىلعان تەمىر جول مۇمكىندىگىمەن قازاقستان ارقىلى، يرانعا، پارسى شىعاناعىنا جانە ارى قاراي شىعۋعا بولاتىندىعىن ەسكە سالىپ ءوتتى.
بۇدان بولەك، ءۇندىستان جانە پاكىستان پورتتارىمەن ىنتىماقتاستىق تۋرالى كەلىسىمگە قول جەتىكىزىلدى.
«ءبىزدىڭ يرانمەن قاتىناسىمىز وتە جاقسى دەڭگەيدە. قازىرگى كەزدە ەمبارگو ماسەلەسىنىڭ شەشىلۋىمەن ساۋدا جاقسى داميدى دەپ ويلايمىن» ، - دەدى ن. نازاربايەۆ.
اۆتور: رۋسلان عابباسوۆ
