ق ر پرەزيدەنتى مەن فرانسيالىق كومپانيالاردىڭ باسشىلارى ىقپالداستىق ماسەلەلەرىن قارادى
كەزدەسۋدە كومىرسۋتەك شيكىزاتىن ءوندىرۋ سالاسىنداعى ىقپالداستىق ماسەلەلەرىن قارادى، دەپ حابارلادى اقوردانىڭ باسپا ءسوز قىزمەتىنەن.
مەملەكەت باسشىسى كومپانيانىڭ قازاقستانداعى بەلسەندى جۇمىسىنا نازار اۋداردى. وسىنىڭ ناتيجەسىندە كونسترۋكتيۆتى ىنتىماقتاستىقتىڭ مول تاجىريبەسى جيناقتالدى.
ءوز كەزەگىندە، پ. پۋياننە نۇرسۇلتان نازاربايەۆقا قاشاعان كەن ورنىن زەرتتەۋ مەن قازاقستانداعى وزگە دە ينۆەستيتسيالىق جوبالاردىڭ جۇزەگە اسۋىن باياندادى.
وسىىدان كەيىن مەملەكەت باسشىسى نۇرسۇلتان نازاربايەۆ Peugeot Citroёn كومپانياسى باسقارماسىنىڭ ءتوراعاسى كارلوس تاۆارەسپەن كەزدەستى.
كەزدەسۋدە كومپانيانىڭ قازاقستان اۆتووندىرۋشىلەرىمەن ىنتىماقتاستىعىنىڭ پەرسپەكتيۆالارى، ەلىمىزدەگى قىزمەتى جانە ونىڭ اياسىن كەڭەيتۋ ماسەلەلەرى تالقىلاندى. ك. تاۆارەس ەلباسىعا قازاقستاندىق سەرىكتەستەرىمەن ەكى جىل ىشىندەگى بىرلەسكەن جۇمىسى، دايىن ءونىم شىعارۋ ءوندىرىسى جانە ونى كورشى ەلدەردىڭ نارىعىنا ەكسپورتتاۋ جوسپارلارى تۋرالى ايتىپ بەردى.
