بيولوگيا ءپانىنىڭ مۇعالىمى ساباققا قاڭقانىڭ سۋرەتى سالىنعان مايكا كيىپ كەلدى

استانا. قازاقپارات -  دەببي حيركەنس وقۋشىلاردى ساباققا قىزىقتىرۋدىڭ جاڭا ءبىر ءتاسىلىن ويلاپ تاپتى. ول بيولوگيا ساباعىنا قاڭقانىڭ سۋرەتى سالىنعان مايكا كيىپ كەلدى. ارينە، بۇل كيىمى ءۇشىن دەببي الدىن الا مەكتەپ ديرەكتورىنىڭ كەلىسىمىن العان ەدى.

 «ءار وقۋشىنىڭ مىنەز- قۇلقى سەكىلدى ءار پانگە دەگەن كوزقاراسى دا ءارتۇرلى. سوندىقتان ولاردى ءوز پانىمە قىزىقتىرۋ ءۇشىن وسىنداي ادىسكە باردىم.

بىردە ينتەرنەتتەن ادامنىڭ قاڭقاسى مەن ىشكى اعزالارىنىڭ سۋرەتى سالىنعان تريكو مەن مايكىنى كوردىم دە ويلانىپ قالدىم. وسى كيىمدەردى كيىپ، بالالارعا ادامنىڭ ءىش- قۇرىلىسىن كورسەتە تۇرىپ ساباقتى ۇعىندىرعان الدەقايدا پايدالى ەكەنىن ءبىلدىم. ءىس جۇزىندە سولاي بولىپ شىقتى دا»، -  دەيدى دەببي حيركەنس.

وقۋشىلار، شىنىمەن دە، دەببيدىڭ بىردە- ءبىر ساباعىنان قالماپتى جانە مۇعالىمنىڭ ساباعىن اسىعا كۇتەدى ەكەن. بۇعان تەك بالالار عانا ەمەس، اتا- انالار دا ءماز.

«جاس الاش» گازەتى