استانادا العاش رەت ەرەكشە ادىسپەن ميعا وتا جاسالدى
وپەراتسيانى س. س. مۇحامەتقاليەۆ («№ 2 قالالىق اۋرۋحانا» ش ج ق م ك ك جۇرەك- قان تامىرى حيرۋرگياسى بولىمشەسىنىڭ مەڭگەرۋشىسى) پەن ە. ج. مەدەتوۆپەن («ۇلتتىق نەيروحيرۋرگيا ورتالىعى» ا ق نەيروحيرۋرگى) بىرلەسىپ جۇرگىزدى.
65 جاستاعى ناۋقاس № 2 قالالىق اۋرۋحانانىڭ جۇرەك- قان تامىرى حيرۋرگياسى بولىمشەسىنە سول جاق قولى كۇرەتامىرىنىڭ ءجىتى ترومبوەمبولياسىنىڭ 2 - دارەجەسى جاعدايىندا تۇسكەن. وعان وتا جاساۋ شەشىمى قابىلدانادى. سول جاق قولىنا ايقىنداعىش زەرتتەۋ، كۇرەتامىرلارىنداعى ۇيىعان قاندى اشىق وپەراتسيا جاساۋ ارقىلى الادى. جاسالعان وپەراتسيادان كەيىن 20 مينۋت وتكەن سوڭ، دەنەنىڭ سول جاق بولىگىنىڭ قوزعالىسى تولىعىمەن قالپىنا كەلەدى. قازىرگى ۋاقىتتا اۋرۋدىڭ جاعدايى جاقسى.
№ 2 قالالىق اۋرۋحانانىڭ جۇرەك- قان تامىرى حيرۋرگتارىنىڭ جوعارى دارەجەدەگى بىلىكتىلىگى جانە اۋرۋحانانىڭ زاماناۋي مەديتسينالىق قۇرالدارمەن جابدىقتالۋ ناتيجەسىندە ناۋقاستىڭ ومىرىنە اراشا ءتۇسۋ مۇمكىن بولدى.
ستاتيستيكاعا سۇيەنسەك، جوعارىدا اتالىپ وتكەن دياگنوز بويىنشا %90 جاعدايدا ناۋقاستار ءتۇرلى اۋىر دارەجەدەگى مۇگەدەك بولىپ قالادى ەكەن. كلينيكانىڭ جوعارى بىلىكتى ماماندارى جۇرەك- تامىر اۋرۋلارىن ەمدەۋدە اتالعان ءادىستى ودان ءارى قولدانباق نيەتتە.
