ءسابىز سان الۋان سىرقاتقا شيپا

استانا. قازاقپارات - كادىمگى ءسابىزدىڭ ادام اعزاسىنا وتە پايدالى ەكەنىن بىلسەك تە، ءمان بەرە بەرمەيمىز.

ءسابىزدىڭ ا دارۋمەنىنە (كاروتين) باي ەكەنىن ايتا كەتۋ كەرەك. ادام اعزاسىنداعى قان ازدىققا قارسى، سونداي-اق كۇش-قۋاتىڭىزدى كوبەيتىپ، تابەتىم اشىلسىن دەسەڭىز، وندا كۇندەلىكتى اشقارىنعا 100 گرام ءسابىز ءسولىن ءىشىپ تۇرىڭىز. سونىمەن قاتار ءسابىز - باۋىر اۋرۋىنا دا تاپتىرمايتىن ەم. ول ءۇشىن ءسابىزدى سۋعا قايناتىپ نەمەسە بۋعا ءپىسىرىپ جەۋ كەرەك.

ءسابىز اۆيتومينوزدى (تاعامدا دارۋمەننىڭ جەتىسپەۋىنەن بولاتىن اۋرۋ) جويادى، اعزانىڭ تۇماۋعا قارسى تۇرۋىن كۇشەيتەدى، زات الماسۋدى جاقسارتادى. شيكى ءسابىز قاننىڭ قىزىل تۇيىرشىكتەرى (ەريتروتسيت) مەن گەموگلوبيننىڭ تۇزىلۋىنە پايداسى كوپ. حالىق مەديتسيناسىندا ءسابىزدى بۇرىننان ىشەك قۇرتىنا قارسى، ىشەك-قارىن قىزمەتىنىڭ بۇزىلۋىنا، قۇرت اۋرۋىنىڭ العاشقى كەزەڭدەرىندە، بەلسىزدىككە قارسى ءىشۋ ۇسىنىلعان.

ءسابىزدىڭ باسقا دا پايدالى تۇسىن بىلە جۇرىڭىزدەر.

1) باۋىر فۋكتسيالارىنىڭ قورعانىسى جانە اس قورىتۋ جۇيەسىندە وتە اسەرلى.

2) قۇرامىنداعى ە ۆيتامينىمەن قاتەرلى ىسىك اۋرۋىنىڭ الدىن الادى.

3) قارتايۋمەن بايلانىستى شىعاتىن اۋرۋ، سىزداۋلار ءسابىز شىرىنىن ءىشۋ ارقىلى ازايتىلۋى مۇمكىن.

 4) تابيعي ا ۆيتامينىنىڭ قاينار كوزى بولعاندىقتان كوز ساۋلىعىن، كورۋ قۋاتىن ارتتىرادى. سۇيەككە جانە وستەوپوروزعا جاقسى اسەر ەتەدى.

5) قۇرامىنداعى كاليمەن حولەستەرينگە جانە گيپەرتونياعا قارسى كۇرەسەدى.

6) ءوت جانە باۋىر فەرمەنتەرىنىڭ جاقسارۋىنا اسەر ەتەدى. ماي جينالۋىن ازايتادى.

7) ءسابىز قۇرامىنداعى ا دارۋمەنى ادامنىڭ بويىن وسىرەدى، كورۋ قابىلەتى مەن تەرىنى جاقسارتۋعا ىقپال ەتەدى.

8) ءسابىز شىرىنى كۇشتى انتيوكسيدانت بەتا-كاروتەننەن باي بولعاندىقتان جاسۋشا دەگەنەراتسياسىنىڭ الدىن الادى.

9) ءبىراز ليمون جانە زايتۇن مايى قوسىلىپ دايىندالعان ءسابىز سالاتى نەمەسە ءسابىز شىرىنى زەيىندى اشادى، ويلاۋ قابىلەتىن جاقسارتادى.

10) ءسابىزدىڭ جانە ءسابىز شىرىنىنىڭ كالورياسى از بولعاندىقتان ارتىق سالماقتان ارىلۋعا پايداسى كوپ. كۇنىنە 1,2 دانا ءسابىزدىڭ جەلىنۋى نەمەسە شىرىنىنىڭ ءىشىلۋى قارىندى توق ۇستاۋعا كومەكتەسەدى.

Baq.kz