قازاقستان بوكسشىلارى ەندى شەتەلدىك ماماننىڭ كومەگىنە جۇگىنەدى

استانا. قازاقپارات - بوكستان قازاقستان قۇراماسى جاقىندا كاتاردا وتكەن الەم چەمپيوناتىنا قاتىسىپ كەلگەن ەدى.

وسىعان بايلانىستى كەڭەيتىلگەن وتىرىس ءوتتى. وعان ۇلتتىق قۇرامانىڭ باس باپكەرى، بوكسشىلاردىڭ جەكە باپكەرلەرى، قىزدار قۇراماسىنىڭ باپكەرلەر جانە ق ر مادەنيەت جانە سپورت مينيسترلىگىنىڭ وكىلدەرى قاتىستى.

باپكەرلەر كەڭەسى بۇل وتىرىستىڭ قورىتىندىسى بويىنشا شەتەلدەن كونسۋلتانت شاقىراتىن بولىپ كەلىستى. ەندى شەتەلدەن كەلگەن مامان بوكسشىلاردىڭ فيزيكالىق دايىندىعىنا جاۋاپتى بولادى. سونداي-اق الداعى وليمپيادا ويىندارىنداعى قارسىلاستارى تۋرالى ساراپتاما جاسايدى. ودان بولەك قازاقستان بوكس فەدەراتسياسى سپورتشىلاردىڭ مەديتسينالىق جانە پسيحولوگيالىق دايىندىعىنا قاتتى ءمان بەرۋدى كوزدەپ وتىر.

ايتا كەتەيىك، قازىرگى كەزدە قازاقستان قۇراماسىندا وليمپيادا ويىندارىندا 4 جولداما بار. ولار: ۆاسيلي ليەۆيت، ءبىرجان جاقىپوۆ، دانيار ەلەۋسىنوۆ، بەرىك ءابدىراحمانوۆ.

ەندى وليمپيادا ويىندارىنا ىرىكتەۋ كەلەسى جىلى قىتاي جانە ازەربايجاندا وتەدى.

Baq.kz