قازاقستاندا كومپيۋتەرگە ارنالعان «ەمدەلمەيتىن» ۆيرۋس تارالىپ جاتىر
Vault ۆيرۋسى Trojan.Encoder- دەن شىققان. ول كومپيۋتەرگە تۇسكەن سوڭ ول قاتقىل ديسكىدەگى فايلداردى شيفرلەپ تاستايدى، فايلداردى كەيىن ارنايى كىلتتەر ارقىلى عانا شيفردان الۋعا بولادى. فايلداردى اشۋ ءۇشىن اقشا سۇراۋى دا مۇمكىن. mp3, .doc, .docx, .pdf, .jpg, . rar فورماتتاعى فايلدار بۇعاتتالىپ قالۋى مۇمكىن.
Alash Media Group كومپانياسىنىڭ تەحنيكالىق دەپارتامەنتى ۆيرۋستىڭ كەسىرىنەن تۇتاس ءبىر كومپانيانىڭ قۇجاتتارىن پايدالانۋ مۇمكىندىگى جويىلاتىنىن حابارلادى.
«ۆيرۋستى تاراتۋشىلاردىڭ كوبى سالىق نەمەسە باسقا دا ورگانداردىڭ حاتى رەتىندە جىبەرۋ ءادىسىن پايدالانادى. حاتتا تولەم قۇجاتتارى، ەسەپتەر بولۋى مۇمكىن. (...) زاقىمدالعان حاتتار كەز كەلگەن جەردەن كەلەدى»، - دەدى ساراپشىلار.
مامانداردىڭ ايتۋىنشا، مۇنداي ۆيرۋستى حاتتار سوڭعى كەزدە تەك قازاقستاندا ەمەس، الەمنىڭ بارلىق جەرىندە كەڭىنەن تارالىپ جاتىر. «بۇدان ساقتانۋدىڭ جولى: جىبەرۋشىنىڭ اتى- ءجونى بەلگىسىز حاتتاردى اشپاۋ؛ ءوزىڭىز بىلمەيتىن ادامنىڭ جىبەرگەن حاتىنداعى سىلتەمەلەردى اشپاۋ؛ جاڭارعان اقپاراتتاردى ۇنەمى ساقتاپ وتىرۋ»، - دەدى ماماندار.
انتيۆيرۋس شىعارۋمەن اينالىساتىن «كاسپەرسكي لابوراتورياسى» دا تۇتىنۋشىلارىنان مۇقيات بولۋدى سۇرادى. "ۆيرۋستاردى باعدارلامانىڭ كودتارىن وقۋ ارقىلى انىقتاۋعا بولادى. دەگەنمەن پو وبرازدى ۆيرۋستار دا بولادى، ولاردى وقۋ مۇمكىن ەمەس. فايلدارىڭىزدى اشۋ ءۇشىن ءبىزدىڭ باعدارلامالاردى - Rector Decryptor، RakhniDecryptor، RannohDecryptor، ScatterDecryptor نەمەسە Xorist Decryptor پايدالانىڭىزدار. بۇلاردىڭ ءارقايسىسى زاقىمدالعان ۆيرۋستارمەن قالاي جۇمىس ىستەۋ كەرەگىن كورسەتەدى. ەگەر فايلداردى اشۋ مۇمكىن بولماسا، ۋتيليتانىڭ جاڭارعانىن كۇتۋ كەرەك»، - دەپ حابارلادى كومپانيا.
«وكىنىشكە وراي، فايلداردى قالپىنا كەلتىرۋ ءبىزدىڭ قولىمىزدا ەمەس. فايلداردى اشاتىن كىلتتەردى جيناقتاي مۇمكىن ەمەس. نەگىزگى كەڭەس: ءى ءى م- ءنىڭ جەرگىلىكتى بولىمشەسىنە بارىپ، شاعىم ءتۇسىرۋ كەرەك»، - دەپ حابارلادى Drweb كومپانياسى.
Baq.kz
