ق ر پرەزيدەنتى مەن ۇلى بريتانيا س ءى م باسشىسى ەكىجاقتى ىنتىماقتاستىقتىڭ نەگىزگى باعىتتارىن تالقىلادى

لوندون-استانا. قازاقپارات - ەلباسى نۇرسۇلتان نازاربايەۆ ۇلى بريتانيا سىرتقى ىستەر ءمينيسترى فيليپ حەمموندپەن كەزدەستى.

بۇل تۋرالى اقوردانىڭ باسپا ءسوز قىزمەتىنەن حابارلادى.

كەزدەسۋ بارىسىندا قازاقستان مەن ۇلى بريتانيا اراسىنداعى ەكىجاقتى ىنتىماقتاستىقتىڭ نەگىزگى باعىتتارى، حالىقارالىق كۇن تارتىبىندەگى وزەكتى جايتتار جانە وڭىرلىك قاۋىپسىزدىك ماسەلەلەرى تالقىلاندى.

قازاقستان پرەزيدەنتى ۇلىبريتانيا پرەمەر-مينيسترىمەن وتكەن كەلىسسوزدەر جەمىستى بولعانىنا، ناتيجەسىندە تاراپتاردىڭ بارلىق باعىتتار بويىنشا، سونىڭ ىشىندە ەكونوميكالىق جانە ساياسي ماسەلەلەرگە قاتىستى ءوزارا تۇسىنىستىك تاپقانىنا نازار اۋداردى.

نۇرسۇلتان نازاربايەۆ سونداي-اق ەكى ەلدىڭ سىرتقى ساياسات ۆەدومستۆولارى اراسىندا ءوزارا ىقپالداستىق جونىندەگى ارناۋلى كوميسسيا قۇرۋ تۋرالى جوسپاردى وڭ باعالادى، بۇل كوميسسيانىڭ مىندەتى قازاقستان مەن  ۇلى بريتانيانىڭ بارلىق ۋاعدالاستىقتارىن ناقتى جۇزەگە اسىرۋ بولماق.