20:30, 05 - قاراشا 2015 | GMT +5
ق ر پرەزيدەنتى: قازاقستان الەمدەگى الدىڭعى قاتارلى مەملەكەتتەردىڭ تاجىريبەسىن قابىلداۋعا ءازىر
پاريج. قازاقپارات - قازاقستان الەمدەگى الدىڭعى قاتارلى مەملەكەتتەردىڭ تاجىريبەسىن قابىلداۋعا ءازىر. بۇنداي پىكىردى بۇگىن ق ر پرەزيدەنتى نۇرسۇلتان نازاربايەۆ فرانسيانىڭ ىسكەرلىك توپتارىمەن كەزدەسۋ بارىسىندا ايتتى.
«فرانسيا مەن قازاقستان بايلانىستارىنىڭ قارقىنى جوعارى دەڭگەيدە، ليدەرلەردىڭ اق نيەتى، ءبىزدىڭ ەلدەر مەن كومپانيالاردىڭ ىزگى قاتىنىستارى قالىپتاسقان»، - دەدى ن. نازاربايەۆ ەكى ەلدىڭ اراسىنداعى قاتىناستارىنا جوعارى باعا بەرۋ كەزىندە.
سونىمەن بىرگە ەلباسى فرانتسۋزدىق قاۋاتتى ەكونوميكانىڭ ەلەۋلى تاجىريبەسى مەن ەۋروپا ورتالىعىنداعى وسى ماڭىزدى مەملەكەت قازاقستاننىڭ بۇدان ارى قاراي دامۋىنا قولداۋ كورسەتەتىنىنە سەنىم ارتتى.
«ءبىزدىڭ نەگىزگى سەرىكتەس رەتىندە سىزدەردەن ۇيرەنىپ، فرانسياعا يەك ارتقىمىز كەلەدى، ياعني بۇل ءبىز ءۇشىن بارشا ەۋروپالىق وداققا تەرەزە بولىپ تابىلادى. قازاقستان - 2050 -جىلعا قاراي دامىعان ەلدەردىڭ قاتارىنا كىرۋ مەجەسىن قويعان جاس تاۋەلسىز مەملەكەت»، - دەدى ن. نازاربايەۆ.
اۆتور: رۋسلان عابباسوۆ
