عالىمدار ارتىق سالماق جيناۋدىڭ باستى سەبەبىن اتادى

استانا. قازاقپارات - امەريكالىق عالىمدار ادامدار تاماقتانۋ راتسيونى ءارقاشان ءتۇرلى-ءتۇرلى بولاتىنى سەبەپتى ارتىق سالماق جينايتىنىن انىقتادى، دەپ حابارلايدى «رەسەي گازەتى».

بۇل رەتتە، اتالعان سەبەپتىڭ زيانى وسىعان دەيىن جۇرتتىڭ ءبارى ارتىق سالماقتىڭ پايدا بولۋىنا نەگىز بولاتىن - كوپ وتىرۋ، قيمىل-قوزعالىسى از ءومىر سالتىنان دا اسىپ تۇسكەن.

ەكسپەريمەنتتىڭ نەگىزگى ماقساتى - سۋساق (قانت ديابەتى) سياقتى دەرتتىڭ دامۋ قاۋپىن انىقتاۋ. وعان شامامەن 7 مىڭ ەرىكتى ادام قاتىستى. تاجىريبە بەس جىلعا سوزىلعان. بۇل كەزەڭدە ەرىكتىلەردىڭ بەلى ولشەنىپ، ولاردىڭ تاماقتانۋىنا تالداۋ جاسالعان.

سونىڭ ناتيجەسىندە تاماقتانۋ راتسيونى ءتۇرلى-ءتۇرلى بولعان ادامداردىڭ سەمىزدىككە شالدىعۋ قاۋپى جوعارى ەكەنى بەلگىلى بولدى. وسىنداي راتسيون گليۋكوزا مەن قان قىسىمىنىڭ دەڭگەيىن قاتتى وزگەرتەدى. ادام بويىندا ماي جينالىپ، ءتۇرلى دەرتكە شالدىعۋ قاۋپى ارتادى.

كولەمدى زەرتتەۋدىڭ اۆتورلارى ادام اعزاسىنداعى سەمىزدىككە اكەلەتىن نەگىزگى فاكتور - ادامداردىڭ بىرنەشە ءتۇرلى تاعامدى جەۋگە ۇمتىلۋى ەكەنىنە سەنىمدى.