ن. نازاربايەۆ پەن د. روتشيلد قازاقستان مەن ۇلى بريتانيانىڭ ينۆەستيتسيالىق ىنتىماقتاستىعىنىڭ كەلەشەگىنە قاتىستى ويلارىمەن ءبولىستى

لوندون- استانا. قازاقپارات - مەملەكەت باسشىسى نۇرسۇلتان نازاربايەۆ «J Rothschild Capital Management» كومپانياسى باسقارماسىنىڭ ءتوراعاسى لورد دجەيكوب روتشيلدپەن كەزدەستى، دەپ حابارلايدى اقوردانىڭ باسپا ءسوز قىزمەتىنەن.

تاراپتار قازاقستان مەن ۇلى بريتانيا اراسىنداعى ينۆەستيتسيالىق ىنتماقتاستىقتىڭ كەلەشەگىنە قاتىستى ويلارىمەن ءبولىستى. نۇرسۇلتان نازاربايەۆ سونداي-اق استانادا قۇرۋ جوسپارلانىپ وتىرعان حالىقارالىق قارجى ورتالىعى تۋرالى ايتتى جانە سەرىكتەستىك قارىم-قاتىناستاردى بۇدان ءارى نىعايتۋعا مۇددەلىلىك تانىتتى.

د. روتشيلد ءوز سوزىندە قازاقستاننىڭ ورتالىق ازيا وڭىرىندەگى قارجىلىق حاب مارتەبەسىن الۋ ءۇشىن جاقسى پەرسپەكتيۆالارى بار ەكەنىن اتاپ ءوتتى.