ن.نازاربايەۆ: لوندوندا قول قويىلعان كەلىسىمدەر قازاقستان ەكونوميكاسىنىڭ بولاشاقتا دامۋىنا باعىتتالعان

لوندون-استانا. قازاقپارات - مەملەكەت باسشىسى نۇرسۇلتان نازاربايەۆ ۇلى بريتانيا پرەمەر-مينيسترى ديەۆيد كيەمەرونمەن وتكەن كەلىسسوزدەر قورىتىندىسى بويىنشا باق وكىلدەرىنە ارنالعان بريفينگكە قاتىستى،

 دەپ حابارلايدى اقوردانىڭ باسپاءسوز قىزمەتىنەن.

بريفينگ بارىسىندا ەلباسى قازاقستان تاراپىنا ساپار اياسىندا ايرىقشا جوعارى قۇرمەت كورسەتىلىپ وتىرعانىن ايتتى. نۇرسۇلتان نازاربايەۆ سونداي-اق بىرىككەن كورولدىك ەكىجاقتى قارىم-قاتىناستار دامۋىنىڭ وسى كەزەڭىندە قازاقستانعا 12 ميلليارد دوللار ينۆەستيتسيا سالعانىن، ءقازىر ەلىمىزدە بريتان كاپيتالىنىڭ قاتىسى بار 500 كومپانيا جۇمىس ىستەيتىنىن اتاپ ءوتتى.

- وسى جاڭا عانا قازاقستان-بريتانيا بيزنەس-فورۋمى اياقتالدى. كەشكە قاراي بريتانيا بيزنەسىنىڭ «كاپيتاندارىمەن» كەزدەسۋ وتەدى. بۇل ءبىزدىڭ ەل ءۇشىن اسا ماڭىزدى دەپ ويلايمىن. ىسكەر توپتارىمىز قۇنى 5 ميلليارد دوللار بولاتىن كەلىسىمشارتتار مەن مەموراندۋمدار جاساستى. بۇل جوبالاردىڭ بارلىعى قازاقستاننىڭ شيكىزاتتىق سەكتورىن دامىتۋعا عانا باعىتتالىپ وتىرعان جوق، - دەدى قازاقستان پرەزيدەنتى.

سونىمەن قاتار مەملەكەت باسشىسى ساپار بارىسىندا قول قويىلعان كەلىسىمدەر مازمۇنىنا توقتالىپ، بۇل قۇجاتتاردىڭ بولاشاقتاعى دامۋعا باعىتتالعانىن ايتتى. سونىڭ ىشىندە گاز، يەنەرگەتيكا، مۇناي حيمياسى جانە فارماتسيەۆتيكا سالالارىنداعى بىرلەسكەن جوبالار اتاپ كورسەتىلدى.

نۇرسۇلتان نازاربايەۆ بريتانيا تاراپىمەن استانا جانە لوندون اراسىندا قوسىمشا اۋە رەيسىن اشۋ تۋرالى كەلىسىم جاسالعانىنا نازار اۋداردى.

مەملەكەت باسشىسى كەلىسسوزدەر بارىسىندا كۇن تارتىبىندەگى حالىقارالىق ماسەلەلەر، سونىڭ ىشىندە ۋكراينا مەن تاياۋ شىعىستاعى احۋال قاراستىرىلعانىن دا اتاپ ءوتتى