لوندوندا قازاقستان مەن ۇلى بريتانيا كوشباسشىلارىنىڭ قاتىسۋىمەن ۇكىمەت ارالىق كوميسسيا وتىرىسى باستالدى

 لوندون. قازاقپارات - لوندوندا ق ر پرەزيدەنتى ن. نازاربايەۆ پەن  ۇلى بريتانيا پرەمەر- ءمينيسترى دەۆيد كامەروننىڭ قاتىسۋىمەن قازاقستان- بريتانيا ۇكىمەت ارالىق كوميسسياسىنىڭ ەكىنشى وتىرىسى باستالدى،

 دەپ حابارلايدى «قازاقپارات» ءتىلشىسى.

وتىرىس بارىسىندا بريتانيالىق ينۆەستيتسيانى ىسكەرلىك ىنتىماقتاستىق، شيكىزاتتىق ەمەس سەكتور، تەحنولوگيالىق ءوندىرىس، وڭدەۋشى سالالارداعى بىرلەسكەن جوبالاردى ىسكە اسىرۋعا، اۋىل شارۋاشىلىعى، كولىك ينفراقۇرىلىمى مەن جاسىل تەحنولوگياعا تارتۋدى كەڭەيتۋ ماسەلەلەرىن تالقىلاۋ جوسپارلانعان.

اقوردانىڭ باسپا ءسوز قىزمەتىنەن حابارلاعانداي، سوڭعى ۋاقىتتا بريتانيالىق تاراپتىڭ قازاقستانعا دەگەن قىزىعۋشىلىعى ارتقان، سونداي- اق مەملەكەتتىك، كۆازي مەملەكەتتىك جانە بيزنەستەگى ەكىجاقتى ەكونوميكالىق بايلانىستار جاندانىپ كەلەدى.