نازاربايەۆتىڭ قىزدارىنىڭ ءرولىن كىمدەردىڭ سومدايتىنى بەلگىلى بولدى

استانا. قازاقپارات - قازاقستاندىق اكتريسالار قارلىعاش مۇحامەدجانوۆا مەن بيبىگۇل ءسۇيىنشالينا تۇڭعىش پرەزيدەنت تۋرالى جاڭا فيلمدە نۇرسۇلتان نازاربايەۆتىڭ قىزدارىنىڭ ءرولىن سومدايتىن بولدى، - دەپ حابارلايدى Tengrinews.kz ءتىلشىسى.

 بۇل تۋرالى جاس اكتريسا بيبىگۇل ءسۇيىنشالينا Instagram جەلىسىندەگى پاراقشاسىندا جاريا ەتتى. "جۇلدىزدار وسىلاي جانعان ەدى" ("تاك سلوجيليس زۆەزدى") فيلمىنە كوستيۋم تاڭداۋ كەزىندە كەرەمەت @karlygashmuhamedzhanova-نى كەزدەستىردىم. ول مەنىڭ اپكەم داريعا نازاربايەۆا بولىپ رول وينايدى، ال مەن دينارانىڭ. ايتپاقشى، ەكەۋمىز دە وپا- دالاپسىز تۇرمىز"، - دەپ جازدى ءسۇيىنشالينا.

ەسكە سالايىق، پرەزيدەنت تۋرالى فيلمنىڭ بەسىنشى ءبولىمىن رەسەيلىك رەجيسسەر سەرگەي سنەجكين ءتۇسىرىپ جاتىر. ال نۇرسۇلتان نازاربايەۆتىڭ رولىندە بەسىنشى بولىمدە بەرىك ايتجانوۆ وينايدى، الدىڭعى بولىمدەرىندە پرەزيدەنت بولىپ نۇرلان ءالىمجان ويناعان بولاتىن.