13:42, 03 - قاراشا 2015 | GMT +5
عالىمدار جىنىستىق قاتىناس تۋرالى اتا-انامەن اڭگىمەلەسۋدىڭ پايدالى ەكەنىن دالەلدەدى
استانا. قازاقپارات - امەريكا عالىمدارى اتا-انامەن جىنىستىق قاتىناس تۋرالى اڭگىمەلەسۋدىڭ پايدالى ەكەنىن دالەلدەدى، - دەپ حابارلايدى Lenta.ru.
عالىمداردىڭ زەرتتەۋى جايىندا JAMA Pediatrics جۋرنالىندا جازىلعان. زەرتتەۋ ناتيجەلەرىنە سەنسەك، اتا-انالارمەن مۇنداي اڭگىمە ءوربىتۋ جىنىس مۇشەسى ارقىلى جۇعاتىن دەرتتەردىڭ الدىن الىپ، جوسپارلانباعان جۇكتىلىكتى بولدىرماۋعا كومەكتەسەدى.
«سولتۇستىك كارولينا شتاتىنداعى ۋنيۆەرسيتەتتىڭ عالىمدارى جىنىستىق قاتىناس تۋرالى اڭگىمەنى قىزى مەن اناسىنىڭ ءجيى ايتقانى پايدالى دەگەن تۇجىرىمعا كەلىپ وتىر. ولار 30 جىل بويى جۇرگىزىلگەن زەرتتەۋلەردىڭ ناتيجەلەرىن تەكسەرىپ، 52 جۇمىستى ساراپتاپ شىقتى»، - دەلىنگەن جاريالانىمدا.
ايتا كەتەيىك، زەرتتەۋ جۇمىستارىن جۇرگىزۋگە 25 مىڭ جاسوسپىرىم قاتىستىرىلدى. ەندى شەتەلدىك عالىمدار اتا-انالار وسى زەرتتەۋدىڭ ناتيجەسىن ەسكەرىپ، جىنىستىق قاتىناس تۋرالى بالالارىمەن مىندەتتى تۇردە سويلەسۋلەرى ءتيىس دەپ وتىر.
