پەرۋ استاناسىندا بۇقامەن ايقاسۋعا قارسى نارازىلىق شاراسى ءوتتى

استانا. قازاقپارات - پەرۋ استاناسى ليمادا بۇقامەن ايقاسۋعا قارسى نارازىلىق شاراسى ءوتتى. جۇزدەگەن ادام «پلاسا- دە- اچو» ارەناسىنا جينالعان.

شەرۋگە شىققاندار بۇقامەن ايقاستى ءبىرجولا توقتاتۋدى تالاپ ەتتى. ولاردىڭ ايتۋىنشا، بۇل جانۋارلار قۇقىن بۇزىپ، ادام بالاسىن قاتەگىزدىككە يتەرمەلەيدى. جەرگىلىكتى بيلىك بۇقالاردى قورعاۋ تۋرالى زاڭدى وتكەن جىلى قابىلداعان بولاتىن.

ونى بۇزعان ادامعا ايىپپۇل سالىنىپ قانا قويماي، قىلمىستىق ءىس قوزعالىپ، ءتىپتى ايىپتالۋشى تۇرمەگە قامالۋى مۇمكىن. ءبىراق كورريداعا رەسمي تۇردە تىيىم سالىنعان جوق.

ايتا كەتەيىك، پەرۋ -  لاتىن امەريكاسىندا باسقا مەملەكەتتەرگە قاراعاندا بۇقامەن ايقاستى ءجيى ۇيىمداستىراتىن ەل. وندا جىل سايىن وسىنداي 540 شوۋ وتكىزىلەدى ەكەن.

دايانا پينتو، نارازىلىق شاراسىنا قاتىسۋشى:

- ءبىز جانۋارلاردى قورعاۋ ءۇشىن زاڭدى بۇدان دا قاتاڭداتۋىمىز كەرەك. بۇقامەن ايقاس وتكىزەتىندەردە ادامگەرشىلىك قاسيەت اتىمەن جوق.

www.24.kz