سەنات ۇلتتىق بانك ءتوراعاسى قىزمەتىنە دانيار اقىشيەۆتى تاعايىنداۋ تۋرالى ەلباسىنىڭ ۇسىنىسىنا كەلىسىمىن بەردى
ەسكە سالا كەتەيىك، ق ر كونستيتۋتسياسىنا سايكەس، ق ر پرەزيدەنتى ق ر ۇلتتىق بانكى ءتوراعاسىنىڭ كانديداتۋراسىن ۇسىنىپ، سەنات بۇعان كەلىسىمىن بەرۋى ءتيىس.
«بۇگىن قازاقستان رەسپۋبليكاسىنىڭ پرەزيدەنتى ءوزىنىڭ جارلىعىمەن ق ر ۇلتتىق بانكىنىڭ ءتوراعاسى قايرات نەمات ۇلى كەلىمبەتوۆتى قىزمەتىنەن بوساتتى. كونستيتۋتسيا نورمالارىنا سايكەس، ق ر ۇلتتىق بانكى ءتوراعاسىنىڭ قىزمەتىنە كەلىسىمىن الۋ ءۇشىن پرەزيدەنتتىڭ ۇسىنىسى شىعارىلىپ وتىر»، - دەدى وسى ماسەلە بويىنشا پارلامەنت سەناتىندا ءسوز سويلەگەن ق ر پرەزيدەنتى اكىمشىلىگىنىڭ ءتوراعاسى نۇرلان نىعماتۋلين. بۇل رەتتە پرەزيدەنت اكىمشىلىگىنىڭ باسشىسى ەلباسى ۇ ب ءتوراعاسىنا كانديدات رەتىندە اقىشيەۆ دانيار تالعات ۇلىن ۇسىنعانىن جەتكىزدى. تالقىلاۋدان سوڭ سەناتورلار ەلباسى ۇسىنىسىن ءبىراۋىزدان قولدادى.
ەسكە سالا كەتەيىك، ق ر پرەزيدەنتىنىڭ باسپا ءسوز قىزمەتى تاراتقان حابارلاماعا سايكەس، ەلباسى ءوز ۇسىنىسىن سەناتقا ءبىلدىرىپ: «ول قازاق باسقارۋ اكادەمياسىن ءبىتىرىپ شىققان. ۇلتتىق بانكتە 18 جىل قىزمەت ەتسە، سونىڭ 7 جىلىندا ءتوراعا ورىنباسارى بولىپ جۇمىس ىستەدى. قازىرگى ۋاقىتتا پرەزيدەنت اكىمشىلىگىندە قىزمەت ەتىپ كەلەدى. ەلىمىزدەگى ەكونوميكالىق ماسەلەلەردى دە جان- جاقتى زەرتتەگەن، ەلدىڭ جاعدايىن دا بىلەدى»، - دەگەن بولاتىن.
اۆتور: قانات مامەتقازى ۇلى
