ەكسپو جالاۋى استاناعا جەتتى - فوتو
«بۇل جاي عانا تۋ ەمەس. بۇل ەلىمىزدىڭ الدىندا كەڭ مۇمكىندىكتەر اشاتىن سيمۆول بولىپ وتىر. ق ر پرەزيدەنتى ب ۇ ۇ باس اسسامبلەياسىنىڭ 70- سەسسياسىندا ءسوز سويلەگەندە ايتقانىنداي، قازاقستان جاسىل ەنەرگەتيكا تەحنولوگياسىن ىلگەرىلەتۋدە الەمدىك حابقا اينالۋعا دايىن. بارلىق داعدارىستاردىڭ باستاۋى ەنەرگەتيكالىق سەكتوردا جاتقانى بەلگىلى. وسى ورايدا ءبىزدىڭ تاڭداپ العان تاقىرىبىمىز «بولاشاقتىڭ ەنەرگياسى» ەشقاشان وزەكتىلىگىن جويماق ەمەس»، - دەدى ول.
ەكسپو جالاۋى ەكسپو-2015 وتكەن ميلان قالاسىنان قازاقستانعا سالتاناتتى تۇردە تابىستالعان بولاتىن. ونى يتالياندىق ارىپتەستەرىنەن «ەكسپو-2017» ۇ ك ءتوراعاسى احمەتجان ەسىموۆ پەن ءراپيل جوشىبايەۆ قابىلداپ الدى.
سونداي- اق، قازاقستاندىق پاۆيلون 114 ەلدىڭ ىشىندە ۇزدىك ۇشتىككە ەندى. يتالياندىق كورمەنىڭ باس تاقىرىبى - عالامشاردى ازىق- تۇلىكپەن قامتۋ بولاتىن.
قازاقستاندىق پاۆيلون تاقىرىپتى اشۋدا باس جۇلدەنى يەمدەندى.
«ءبىزدىڭ پاۆيلونىمىز وتە ۇتىمدى قۇرىلعان. كەلۋشىلەردىڭ اراسىندا وتە تانىمال بولدى. ەكسپو اياقتالعانشا قازاقستاندىق پاۆيلونعا 1 ميلليون ادام كەلدى»، - دەدى ا. مۋسين.
ايتا كەتۋ كەرەك، استانادا وتەتىن ەكسپو-2017 كورمەسىنە قازىردىڭ وزىندە 51 مەملەكەت، 11 حالىقارالىق ۇيىم قاتىسامىز دەپ نيەت ءبىلدىردى.
