كەڭسەدەگى اۋا ساپاسى قىزمەتكەرلەردىڭ جۇمىسىنا قالاي اسەر ەتەدى؟

استانا. قازاقپارات - گارۆاردتىڭ عىلىمي قىزمەتكەرلەر توبى كەڭسەدەگى اۋانىڭ ساپاسى قىزمەتكەرلەرگە قالاي اسەر ەتەتىنىن زەرتتەدى.

ەكسپەريمەنت قورىتىندىلارىنا سۇيەنسەك، كومىرقىشقىل گازدىڭ دەڭگەيى تومەن، جەلدەتىلەتىن بولمەدە جۇمىس ىستەگەن ادامداردىڭ ويلاۋ، ەستە ساقتاۋ، وقۋ جانە ءتۇسىنۋ قابىلەتتەرى جاقسارادى.

بىرەگەي ەسكپەريمەنتكە 24 ەرىكتى ادام قاتىستى، ولاردىڭ بارلىعى ءتۇرلى جاعدايدا جۇمىس ىستەگەن. زەرتتەۋ 7 كۇنگە جالعاستى. ماماندار ەرىكتىلەردىڭ جۇمىس جاعدايىن، سونداي- اق ولاردىڭ دۇرىس شەشىمدەردى قابىلداۋ قاسيەتىن باعالادى.

زەرتتەۋ بارىسىندا ەگەر كەڭسەدە اۋانىڭ لاستانۋ دەڭگەيى تومەن بولسا، ونىڭ قىزمەتكەرلەرى جاقسى جۇمىس ىستەپ، بەرىلگەن تەستىلەردەن 61 پايىزعا تابىستى وتەتىنى انىقتالعان. ال ەگەر جۇمىس بولمەسىندە كومىرقىشقىل گازدىڭ دەڭگەيى دە تومەندەتىلسە، كورسەتكىشتەر 101 پايىزعا دەيىن وسكەن.

 تاياۋدا جاسالعان زەرتتەۋ كەڭسەدەگى وسىمدىكتەردىڭ ادامداردىڭ وزدەرىن جاقسى سەزىنۋى مەن ەڭبەك ونىمدىلىگىنە اسەر ەتەتىنىن كورسەتتى.