عالىمدار: بالالارى بار ايەلدەر بالاسى جوقتارعا قاراعاندا ۇزاعىراق ءومىر سۇرەدى
زەرتتەۋشىلەر بىرنەشە جۇزدەگەن مىڭ ايەلدىڭ قاتىسۋىمەن زەرتتەۋ جۇرگىزدى. مونيتورينگتى لوندوننىڭ يمپەراتورلىق كوللەدجى جاساعان.
زەرتتەۋ پروتسەسىندە مونيتورينگتىڭ العاشقى 13 جىلىندا 14383 ايەل قايتىس بولعان. اۋرۋ سالدارىنان 2400 ادام، وبىردان - 6 مىڭعا جۋىق ادام كوز جۇمدى. ەكى نەمەسە ءۇش بالانىڭ دۇنيەگە كەلۋى وبىر اۋرۋىنا شالدىعۋ قاۋپىن تومەندەتەدى. 20 جاستاعى قىزداردىڭ بالالى بولۋى ولاردىڭ دەنساۋلىعىنا وڭ اسەرىن تيگىزەدى.
بالانى ەمىزەتىن ايەلدەردىڭ جاساندى ءسۇت قوسپالارىن پايدالاناتىن انالارعا قاراعاندا ءولىم قاۋپى 8 پايىزعا تومەن. بۇعان دەيىن عالىمدار بالا ەمىزۋدىڭ ومىراۋ وبىرىنا شالدىعۋ قاۋپىن تومەندەتەتىنىن دالەلدەگەن بولاتىن.
عالىمدار بالا تۋعان ايەلدەردىڭ بويىنداعى گورمونالدىق وزگەرىستەر ولاردىڭ ۇزاق جاساۋىنا اكەلگەنىن شامالاپ وتىر. انالاردىڭ دەنساۋلىعى جاقسارىپ، قاتەرلى ىسىكتەردىڭ پايدا بولۋ قاۋپى تومەندەيدى. زەرتتەۋ قورىتىندىسىنىڭ مۇنداي بولاتىنى كۇتىلمەگەن ەدى، سەبەبى كىشكەنتاي بالانىڭ دۇنيەگە كەلۋى كەزىندە انالاردىڭ بويىندا ۇلكەن كۇيزەلىس پەن قورقىنىش سەزىمى پايدا بولادى، دەپ جازادى شەتەلدىك ب ا ق.
