جەردىڭ قاسىنان باس سۇيەك تۇرىندەگى ءولى كومەتا ۇشىپ ءوتتى

استانا. قازاقپارات - سەنبى كۇنى كەشكە جەردىڭ قاسىنان ءپىشىنى جاعىنان باس سۇيەككە ۇقساس كومەتا ۇشىپ ءوتتى، دەپ حابارلايدى ۋترو. رۋ.

عالىمدار اۋەلى جەرگە الىپ استەرويد جاقىنداپ كەلەدى دەپ شامالاپ وتىرعان، ودان كەيىن ناسا-دا ماسەلە كۇندى كوپ رەت اينالۋ كەزىندە ءوز ماتەرياسىنىڭ ايتارلىقتاي بولىگى مەن قۇيرىعىن جوعالتىپ العان ءولى كومەتا تۋرالى بولىپ وتىرعانىن ناقتىلادى.

«ۇلكەن اسقاباق» دەپ اتالىپ كەتكەن عارىش نىسانىنا  2015TB145 ءنومىرى بەرىلدى، ونىڭ ديامەترى - 400 مەتر، سەكۋندىنا 35 شاقىرىم جىلدامدىقپەن قوزعالادى.

استرونومداردى كومەتانىڭ پايدا بولۋىنان كەيىن ول تۋرالى وتە كەش - 10- قازان كۇنى عانا بىلگەندىكتەرى تاڭداندىردى. ەگەر اسپان دەنەسى جەر ءۇشىن قاۋىپتى بولسا، ونى الدىن الۋ بىلاي تۇرسىن، قۇلاۋىنا دايىندالۋعا دا ۋاقىت جەتىسپەس ەدى.