برازيليادا ءيت قوقىس اراسىنا تاستالعان نارەستەنى قۇتقاردى

استانا. قازاقپارات - برازيليادا جاڭا تۋعان ءسابيدى يت قۇتقارىپ قالدى. ب ا ق حابارلاۋىنشا، ءيت ۇيىلگەن قوقىستاردىڭ ىشىنەن جاڭا تۋعان نارەستەنى تاۋىپ الىپ، ونى تىسىمەن ابايلاپ قانا تىستەپ ءوزىنىڭ يەسىنە اكەلگەن.

ايەل ءسابيدىڭ دەنەسىندەگى قان ىزدەرىن كورىپ، ونىڭ جاڭا عانا جارىق دۇنيە ەسىگىن اشقانىن تۇسىنگەن. دەرەۋ بالانى جاقىن ماڭداعى اۋرۋحاناعا اپاردى. دارىگەرلەر شارانانى امان الىپ قالدى. ونىڭ جاعداي قالىپتى دەپ باعالانۋدا. تەرگەۋ نۇسقاسىنا قاراعاندا، ءيت اناسىنىڭ بالاسىن قالدىق تاستالاتىن جەرگە قالدىرعانىن كورگەندە دەرەۋ قازىپ العان. ءسويتىپ ءسابيدى اجالدان الىپ قالعان.

نارەستەنىڭ اناسى كوپ ۇزاماي تابىلدى. ول جەرگىلىكتى تۇرعىن بولىپ شىقتى. ەندى وعان سوت الدىندا جاۋاپ بەرۋگە تۋرا كەلەدى.