ميلان ەكسپو وتكىزۋ ەستافەتاسىن قازاقستانعا تاپسىردى
ەندى كەلەسى كورمە استانادا 1017 -جىلى وتەدى جانە ول «بولاشاق ەنەرگياسى» تاقىرىبىنا ارنالادى.
سالتاناتتى شاراعا ««استانا ەكسپو-2017» ۇ ك» ا ق باسقارما ءتوراعاسى احمەتجان ەسىموۆ جانە ق ر س ءى م ورىنباسارى، ەكسپو-2017 كوميسسارى راپيل جوشىبايەۆ قاتىستى.
ولارعا حالىقارالىق كورمەلەر بيۋروسىنىڭ جالاۋى تاپسىرىلدى.
ايتا كەتكەن ءجون، حالىقارالىق مامانداندىرىلعان «استانا ەكسپو-2017» كورمەسى قازاقستاندا 2017 -جىلى 10 -ماۋسىم - 10 -قىركۇيەك ارالىعىندا وتەدى.
قازاقستان رەسپۋبليكاسىنىڭ ۇلتتىق پاۆيلونى بۇكىل الەمدىك ەكسپو-2015 كورمەسىندە ۇلكەن جەتىستىكتەرگە جەتتى. كەلۋشىلەر قاراسى وراسان مول بولدى. ال ميلليونىنشى قوناق يتاليانىڭ تۇرعىنى 57 جاستاعى دانيەل بەرگو اتاندى.
«الەمدى ازىقتاندىرۋ. ءومىر ەنەرگياسى» دەپ اتالعان «EXPO Milano 2015» كورمەسىندە قازاقستان پاۆيلونى ەرەكشە قىزىعۋشىلىققا يە بولدى. كۇنىنە شامامەن 5 مىڭنان استام ادام كەلدى. ول بۇكىلالەمدىك كورمەدە ەڭ تانىمال ءارى كەلۋشىلەرى كوپ پاۆيلونداردىڭ قاتارىنان تابىلدى. كورمەنىڭ ۇيىمداستىرۋ كوميتەتىنىڭ جۇرگىزىپ وتىرعان حالىقتىق داۋىس بەرۋدە قازاقستاندىق پاۆيلون الدىڭعى قاتاردان كورىندى.
قازاقستاندىق پاۆيلون 3000 شارشى مەتر اۋماعى بار ەكى قاباتتى عيمارات. تاقىرىبى «قازاقستان - مۇمكىندىكتەر الەمى». سىرتقى ءپىشىنى ەلىمىزدىڭ اۋىل شارۋاشىلىق مادەنيەتىنىڭ نەگىزى بولىپ تابىلاتىن بيداي ساباعىنا ۇقساتىپ جاسالعان. ىشكى مازمۇنى 6 اۋماقتان تۇرادى: اۋىل شارۋاشىلىعى، جانۋار شارۋاشىلىعى، اكۆامادەنيەت، ەكولوگيا، جەر شارۋاشىلىعى جانە قازاقستان تۋرالى تاڭعاجايىپ دۇنيەلەر. ەكسپوزيتسيالاردا ينتەراكتيۆتى جانە مۋلتيمەديالىق تەحنولوگيالار بارىنشا پايدالانىلعان. ول ءاربىر كەلۋشىنىڭ نازارىن ەرەكشە اۋداردى. بۇكىل الەمدىك ەكسپو كورمەسىندە قازاقستاندىق پاۆيلوندى ەلىمىزدەن كەلگەن يتاليان جانە اعىلشىن ءتىلىن ەركىن مەڭگەرگەن 150 ەرىكتى جۇمىس جاسادى.
