08:06, 02 - قاراشا 2015 | GMT +5
تايلاندتاعى سۇلۋلىق حانشايىمى قوقىس جيناپ جۇرگەن اناسىنىڭ الدىندا تىزە بۇكتى - فوتو
استانا. قازاقپارات - تايلاندتا سۇلۋلىق حانشايىمى اتانعان بويجەتكەن قىزىن اش قالدىرماۋ ءۇشىن قوقىس جيناپ جۇرگەن اناسىنىڭ الدىندا تىزە بۇكتى.
سىپىرۋشى بولىپ جۇمىس ىستەيتىن كەدەي اناسىنىڭ اياعىنا جىعىلعان تايلاندتىڭ سۇلۋلىق حانشايىمىنىڭ سۋرەتتەرى الەۋمەتتىك جەلىلەردى پايدالانۋشىلاردىڭ كوڭىلىن بوساتتى. 17 جاسار سۇلۋ بويجەتكەن وزىنە قولداۋ ءارى شابىت بەرگەن اناسىنا العىسىن وسىلاي بىلدىرگەن، دەپ حابارلايدى CCTV.
سۇلۋلىق حانشايىمىنىڭ اناسى قىزىن جالعىز ءوسىرىپ، قوقىس جيناپ، ونى تاپسىرۋدان تۇسكەن اقشاعا كۇن كورگەن.
Miss Uncensored News Thailand 2015 بايقاۋىنداعى جەڭىسىنەن كەيىن بويجەتكەن تۋعان قالاسىنا ورالدى. قىسقا قارا كويلەك كيىپ، باسىندا جارقىراپ تۇرعان ديادەما تاعىلعان ول قوقىس تاستايتىن جاشىكتەردىڭ قاسىندا اناسىنىڭ اياعىنا جىعىلىپ، ودان كەيىن بيىك وكشەسى بار اياق كيىمىن شەشىپ، وعان كومەكتەسۋگە كىرىسكەن.
