ن. نازاربايەۆ تۇڭعىش رەت جاريا تۇردە ەلىمىزدىڭ جاڭا ازاماتتىق پروتسەستىك كودەكسىنە قول قويدى - كەسكىن

استانا. قازاقپارات - بۇگىن اقوردادا ق ر پرەزيدەنتى نۇرسۇلتان نازاربايەۆ العاش رەت جاريا تۇردە ەلىمىزدىڭ جاڭا ازاماتتىق پروتسەستىك كودەكسىنە قول قويدى.

«بۇگىن مەن قازاقستان رەسپۋبليكاسىنىڭ جاڭا ازاماتتىق پروتسەستىك كودەكسىنە سىزدەردىڭ الدارىڭىزدا قول قويايىن دەپ وتىرمىن. مۇنداي ءراسىمدى ءبىز تۇڭعىش رەت جاساپ وتىرمىز. سەبەبى، بۇل كودەكستىڭ ماڭىزى ەل ءۇشىن وتە زور. بۇكىل قازاقستان ءۇشىن ءمانى زور» ، - دەدى ەلباسى.

وسى رەتتە مەملەكەت باسشىسى ۇكىمەتتىك ەمەس ۇيىمدار وكىلدەرىن، بۇگىنگى شاراعا قاتىسىپ وتىرعان ادامداردى جاڭا زاڭنىڭ ءمانىن حالىققا كەڭىنەن جەتكىزۋگە شاقىردى.

«بارشا حالقىما ايتارىم، جاڭا ازاماتتىق پروتسەستىك كودەكس قۇقىق سالاسىن تۇبەگەيلى جاقسارتاتىن بولادى. وزدەرىڭىز بىلەسىزدەر، مەن ساۋىردە جاريالاعان «5 رەفورما» ، «100 ناقتى قادام» دەگەن تاپسىرما بار. سول جونىندە پارلامەنت جۇمىس ىستەپ، 59 زاڭنامانى قابىلداۋى قاجەت. بۇل جۇمىس قازىر قاۋىرت ىستەلىپ جاتىر. سول زاڭداردىڭ ىشىندەگى 16 زاڭعا مەن قول قويىپ ۇلگەردىم. قازىرگى قول قويايىن دەپ وتىرعانىم 17- زاڭ. بۇل جوسپاردىڭ ماڭىزدى باعىتتارىنىڭ ءبىرى زاڭنىڭ ۇستەمدىگىن قامتاماسىز ەتۋ دەگەن ءتارتىپ بار. جاڭا كودەكستى قابىلداۋ ارقىلى وسى مىندەتتى ورىنداۋعا كىرىسەمىز» ، - دەدى ق ر پرەزيدەنتى.