بۇگىن تاعى ءبىر قازاق ازاماتى ۋكرايندىق بوكسشىمەن جەكپە-جەككە شىعادى

استانا. قازاقپارات - بۇگىن، 31- قازاندا ۋكراينانىڭ كريۆوي روگ قالاسىندا قازاقستاندىق ورتا سالماقتاعى بوكسشى ايدوس ەربوسىن ۇلى شارشى الاڭدا ونەر كورسەتەدى، دەپ حابارلانعان بوكسشىنىڭ ۆكونتاكتە الەۋمەتتىك جەلىسىندەگى توبىندا.

ونىڭ قارسىلاسى ۋكرايندىق بوكسشى دەنيس پودنەبەسنىي بولماق. ايتا كەتەيىك، بۇل بۇدان بۇرىن ەرەجەسىز جەكپە-جەكتەرگە عانا قاتىسقان ۋكرايندىق بوكسشىنىڭ كاسىبي رينگتەگى العاشقى جەكپە-جەگى.

شارشى الاڭداعى سايىس ۋكرايندىق رۋدانا جانە ينتەر تەلەارنالارىنان 31- قازاندا استانا ۋاقىتى بويىنشا تۇنگى ساعات 00:00-دە كورسەتىلەدى.

بۇگىن ايدوس ەربوسىن ۇلى مەن دەنيس پودنەبەسنىي سالماق ولشەۋ راسىمىنەن ءوتتى.

ايدوس ەربوسىن ۇلى 1991-جىلى 14- قاراشادا الماتى وبلىسىنىڭ جاركەنت قالاسىندا تۋعان. كوپتەگەن حالىقارالىق تۋرنيرلەردىڭ چەمپيونى اتانعان، قازاقستان كۋبوگى يەگەرى. Astana Arlans قۇرامىندا WSB بۇكىل الەمدىك سەرياسىنىڭ چەمپيونى.