ەرماحان ىبىرايىموۆ: دانيار ەلەۋىسىنوۆتىڭ چەمپيون اتاناتىنا سەنەمىن

استانا. قازاقپارات - كەلەسى جىلى برازيليانىڭ ريو-دە جانەيرو قالاسىندا وليمپيادا ويىندارى وتەدى.

ءتورت جىلدىقتىڭ باستى دوداسىندا بوكسشىلارعا ۇلكەن ءۇمىت ارتىلاتىنى بەلگىلى. بۇگىن ورتالىق كوممۋنيكاتسيالار قىزمەتىندە وتكەن باسپا ءسوز ماجىلىسىندە وليمپيادا چەمپيونى ەرماحان ىبىرايىموۆ 69 كەلىدەگى ءداستۇردىڭ بۇزىلمايتىنا سەنەتىنىن ايتتى.

- قازاقستان ەگەمەندىك العالى بوكس قۇراماسى وليمپيادا ويىندارىندا 6 التىن مەدال، 5 كۇمىس,6 قولا مەدالدى جەڭىپ العان ەكەن. بۇل ۇلكەن جەتىستىك. الداعى ريو-دە جانەيرودا وتەتىن وليمپيادا ويىندارىندا بوكستان التىنسىز قايتامىز با دەگەن قورقىنىش سەزىمدەرىڭىز بار ەكەنىن بىلەمىز.

ارينە وعان سەبەپتە جوق ەمەس. سوڭعى كاتاردا وتكەن چەمپيوناتتا ەكى كۇمىس مەدالعا قاناعاتتانىپ قايتتىق. بۇعان ەكى سەبەپ بار.

ءبىرىنشىسى، قازاقستان ءبىر اي بۇرىن ازيا چەمپيوناتىندا ونەر كورسەتتى. ازيا بىرىنشىلىگىندە بەس التىن مەدالمەن جەكە دارا كوش باستاعانىمىزدى جاقسى بىلەسىزدەر.

ەكىنشى سەبەپ - بۇل الەم چەمپيوناتى وتپەلى كەزەڭ. سوندىقتان مۇنداي بىرىنشىلىكتە تولىق پوتەنتسيالىمىزدى كورسەتپەگەن دۇرىس. وليمپيادا ويىندارىنىڭ الدىندا تاسادا وتىرۋدىڭ پايداسى بار، - دەيدى ەرماحان ىبىرايىموۆ.

وليمپيادا چەمپيونى الداعى وليمپيادا ويىندارىندا 69 كەلىدەگى دانيار ەلەۋسىنوۆكە سەنىم ارتاتىنىن ايتتى.

- وزدەرىڭىز بىلەسىزدەر، «69 كەلىنى» قازاقتىڭ سالماعى دەپ جاتامىز. وسى سالماقتا باقتيار ارتايەۆ، باقىت سارسەكبايەۆ، سەرىك ساپيەۆ وليمپيادا ويىندارىنىڭ چەمپيونى اتاندى. بۇل سالماقتا الداعى وليمپيادا ويىندارىندا دانيار ەلەۋسىنوۆ ونەر كورسەتەدى. ول جولداما جەڭىپ الدى. وسى ءبىر جىلدىڭ ىشىندە جاقسى دايىندىق جاساپ، قازاق جانكۇيەرلەرىن قۋانتادى دەپ سەنەمىن، - دەيدى ە. ىبىرايىموۆ.

ايتا كەتەيىك، قازاقستان قۇراماسى وسى ۋاقىتقا دەيىن بوكستان 4 جولداما الىپ ۇلگەردى. ەندى ليتسەنزيالىق جارىستار كەلەسى جىلى كوكتەمدە باستالادى.

Baq.kz