قازاقتىڭ قىزدارى دا عارىشقا ۇشۋى مۇمكىن - ت. مۇسابايەۆ
ورتالىق كوممۋنيكاتسيالار قىزمەتىنىڭ بريفينگىندە ايروعارىش كوميتەتىنىڭ ءتوراعاسى تالعات مۇسابايەۆ وسىلاي دەدى.
ونىڭ ايتۋىنشا، قىركۇيەكتە عارىشقا ۇشقان ايدىن ايىمبەتوۆكە ۇلكەن مىندەت ارتىلدى. ويتكەنى ەلىمىز 5-عارىش باعدارلاماسىن اياقتاۋى ءتيىس بولاتىن. عارىشتا جاسالعان تاجىريبە تەرمويادرولىق ەنەرگەتيكا، پلازمالىق مەديتسينا جانە نانو ماتەريالداردى شىعارۋدا قولدانىلماق. ءتىپتى، وندا ازىق بولعان وتاندىق ونىمدەر دە جوعارى باعاعا يە بولدى.
ايدىن ايىمبەتوۆ، حالىق قاھارمانى، قازاقستاننىڭ عارىشكەر- ۇشقىشى:
- سورپا، قۇرت، ىرىمشىك، سۇزبە جانە قۇرعاق قىمىز. وسى ازىق- تۇلىكتەر كۇش- قۋاتىڭدى ارتتىرۋعا كومەكتەسەدى. ەكيپاج مۇشەلەرى قازاقستاندا وندىرىلگەن ونىمدەردىڭ ءدامىن تاتىپ، جوعارى باعا بەردى. بۇل ءوز كەزەگىندە تاعام تانۋ اكادەمياسى ازىرلەگەن تاعامداردىڭ حالىقارالىق دەڭگەيگە شىعۋىنا جول اشادى.
