عىلىم: بانان اقۋىزىنان جاسالعان ءدارى ۆيرۋستارعا توتەپ بەرە الادى

استانا. قازاقپارات - عالىمدار بانان قۇرامىنداعى اقۋىزدىڭ ۆيرۋستارمەن كۇرەسە الاتىنىن انىقتادى.

بۇل ەڭ الدىمەن ا ي ت ۆ (اعزاداعى يممۋن تاپشىلىعى ۆيرۋسى)، تۇماۋ جانە س گەپاتيتىنە قاتىستى بولىپ وتىر.

ماسەلە اعزالار مەن ۆيرۋستاردىڭ سىرتىندا ورنالاسقان قانتتى «ەسەپتەۋگە» قابىلەتتى بانان لەكتينى تۋرالى بولىپ وتىر. زەرتتۋگە ءتۇرلى ەلدەن 26 عالىم قاتىسقان.

ولار بانان اقۋىزىنىڭ ۆيرۋستارعا قارسى قالاي جۇمىس ىستەيتىنىن انىقتاۋ ءۇشىن بىرنەشە جىل ۋاقىت جۇمساعان. عىلىمي ماماندار اقۋىزدىڭ ا ي ت ۆ ۆيرۋسىنىڭ اعزاعا ەنۋىن ۇستاپ تۇرا الاتىنىن انىقتادى. بۇل رەتتە جاعىمسىز اسەر تۋىندامايدى.

ەندى جاڭا فورمۋلا قۇرىلىپ، ەكسپەريمەنتتەر كەمىرگىشتەرگە جاسالىپ وتىر. ولاردا وسىنداي ەرەكشە دارىگە وڭ رەاكسيا بايقالىپ، سونداي-اق ج ي ت س جانە تۇماۋدان ساۋىعىپ كەتۋ وقيعاسى تىركەلگەن.

اقۋىزدىڭ جاڭا نۇسقاسى Н84Т دەپ اتالدى. ول گەننىڭ از عانا اۋىسۋى ارقىلى الىنعان. عالىمدار ونىڭ پايدالى قاسيەتتەرىن انىقتاپ، بۇگىندە بانان نەگىزىندە ءدارى جاساپ شىعارۋعا ارەكەتتەنىپ وتىر.