فرانسيادا تاعام قۇرامىن انىقتايتىن حالال- تەستەر ويلاپ تابىلدى
دەپ حابارلانعان «نۇر استانا» مەشىتىنىڭ سايتىندا.
اتالمىش قۇرال ءونىمنىڭ قۇرامىندا دوڭىز ەتى مەن الكوگولدى زاتتاردىڭ بار- جوعىن انىقتاي الادى. قۇرال قۇرامىنداعى تاياقشانى تەكسەرىلەتىن ءونىم مەن جىلى سۋ قۇيىلعان ىدىسقا سالىپ، بىرنەشە مينۋت كۇتەسىز. ناتيجەسىندە تاياقشادا 1 جولاق سىزىق پايدا بولسا، ازىقتىڭ قۇرامى تازا دەگەن ءسوز. ال ەكى جولاق شىقسا، بۇل تاعام حالال بولماعانى.
ەندى مۇسىلمان كاسىپكەرلەر بۇل اپپاراتتى مۇنان ءارى جەتىلدىرىپ، سويىلعان مالدىڭ ەتى يسلام شاريعاتىنا ساي سويىلدى ما، الدە توقپەن سوعۋ سەكىلدى زياندى ادىستەردى پايدالاندى ما، وسى جاعىن انىقتاۋدى كوزدەپ وتىر.
فرانسۋز باسىلىمدارى Capital Biotech كاسىپورنىنىڭ بولاشاعى زور ەكەنىن جارىسا جازۋدا. سەبەبى، ۋاقىت وتە ەۋروپا كەڭىستىگىندە مۇسىلمانداردىڭ كوبەيۋى حالال ونىمگە دەگەن سۇرانىستىڭ ارتۋىنا الىپ كەلمەك.
