عۇلامالار كەڭەسى جاساندى ۇرىقتاندىرۋعا قاتىستى ۇكىم شىعاردى
سوندىقتان مەديتسينالىق جولمەن جاساندى ۇرىقتاندىرعا بارىپ جاتادى.
بۇل قوعامداعى وزەكتى ماسەلەلەردىڭ ءبىرى. بۇگىن الماتىدا وتكەن ق م د ب عۇلامالار كەڭەسىندە اتالعان ماسەلەنىڭ شاريعي ۇكىمى تالقىلانىپ، ءپاتۋا شىعارىلدى.
«مەديتسينادا جاساندى ۇرىقتاندىرۋدىڭ بىرنەشە ءتۇرى بار. ونى سىرتتاي جانە ىشتەي ۇرىقتاندىرۋ دەپ ەكىگە ءبولىپ قاراستىرساق بولادى. ەكەۋىنىڭ اراسىنداعى ايىرماشىلىققا كەلسەك، ىشتەي ۇرىقتاندىرۋ ايەل ادامنىڭ جاتىرىنىڭ ىشىندە جۇزەگە اسادى. سىرتتاي ۇرىقتاندىرۋ ەر ادامنىڭ ۇرىعى مەن ايەل ادامنىڭ جۇمىرتقا كلەتكاسى جاتىردىڭ سىرتىندا ارنايى تۇتىكشەلەردە ۇرىقتاندىرىلۋ ارقىلى ىسكە اسادى. ءبىراق ەكى جاعدايدا دا بالانىڭ دامۋى، ءوسۋى جاتىردىڭ ىشىندە بولادى.
1. قولدان ىشتەي ۇرىقتاندىرۋ ءتاسىلى.
ا. كۇيەۋىنىڭ ۇرىعىن ايەلىنىڭ جاتىرىنا ىشتەي ۇرىقتاندىرۋ ارقىلى ورنالاستىرادى. شاريعاتتا بۇل ادىسكە رۇقسات بەرىلگەن. ەركەكتىڭ ۇرىعى وزدىگىنەن تابيعي تۇردە ايەلىنىڭ جاتىرىنا جەتە الماعاندىقتان وسى ءادىس قولدانىلادى.
ءا. ايەلدى كۇيەۋىنەن تىس وزگە ءبىر ەر كىسىنىڭ ۇرىعىمەن ۇرىقتاندىرۋ. كوبىنەسە بۇل ءتاسىل كۇيەۋى بەلسىز، ياعني تابيعي جولمەن دە جاساندى جولمەن دە ۇرىقتانۋعا كەلمەگەن جاعدايدا ءارى ونى ەمدەۋ مۇمكىندىگى بولماعان كەزدە جۇزەگە اسادى. مۇنداي جاعدايعا دۋشار بولعان ەرلى-زايىپتىلار ۇرىقتى ساتىپ الىپ بالا كوتەرۋگە ءماجبۇر بولادى. بۇل ءتاسىل ەۋروپا ەلدەرىندە قاتتى دامىعان. ارنايى ۇرىق ساقتايتىن بانكتا نوبەل سىيلىعىنىڭ يەگەرى ت. ب. الەمگە تانىمال ادامداردىڭ ۇرىقتارىن كاتالوگتارعا قويىپ ساتادى. كىمگە قاي سالاداعى ادامدار قاجەت بولسا سول كاتالوگتان كەرەگىنشە تاڭداپ الادى. بۇل ءتاسىل تولىعىمەن شاريعاتقا قايشى.
ۇكىم:
- جوعارىدا كورسەتىلگەن «ىشتەي» جانە «سىرتتاي ۇرىقتاندىرۋ» كورىنىستەرىندە ۇرىق جانە جۇمىرتقا كلەتكا ەرلى-زايىپتىلارعا تيەسىلى بولىپ، ايەلدىڭ جاتىرىنا ەنگىزىلسە شاريعاتتا رۇقسات ەتىلەدى.
- بۇدان وزگە كورىنىستەردە تەكتىڭ ارالاسۋى جانە «زينا» ۇعىمى تۋاتىندىقتان شاريعاتتا تىيىم سالىنعان.
- اللا تاعالا ادام بالاسىن وزگە جاراتىلىستان ارداقتى ەتىپ جاراتقاندىقتان، ول وزىنە تيەسىلى ۇرىقتى ساتۋعا دا، تەگىن بەرۋگە دە قۇقىعى جوق»، - دەلىنگەن ءپاتۋا.
BAQ.kz
