عارىشكەر ا. ايىمبەتوۆ شىن مانىندە ۇلكەن ادام ەكەنىن دالەلدەدى - ت. ءادىلوۆ

اقتاۋ. قازاقپارات - قازاقستاندىق عارىشكەر ايدىن ايىمبەتوۆ شىن مانىندە ءوزىنىڭ ۇلكەن ادام ەكەنىن دالەلدەدى.

بۇنداي پىكىردى قازاقستان جۋرناليستەر وداعىنىڭ مۇشەسى تالعات ءادىلوۆ ايتتى.

«ءبىزدىڭ عارىشكەر ۇلكەن ماقتاۋلار مەن باعالارعا لايىق. ول شىن مانىندە ۇلكەن ادام. شىنىمدى ايتسام، بولاشاق ماماندىعىمدى تاڭداۋ كەزىندە مەن ءوزىمدى ءتۇرلى سالادا ەلەستەتىپ كوردىم، دارىگەر رەتىندە دە، عالىم رەتىندە دە. ارماندارىمنىڭ ەڭ اسقاعى عارىشكەر بولۋ ەدى. ول مەن ءۇشىن ادامزاتقا ەڭ پايدالى، ەڭ قاجەتتى بولىپ سانالدى. ءسوزسىز، قازىر دە سول كوزقاراستامىن»، - دەدى تالعات ءادىلوۆ.

ونىڭ ايتۋىنشا، ادامدار تاڭداعان كەز كەلگەن ماماندىعىنا سۇيىسپەنشىلىكپەن قاراسا، ول وعان قۋانىش سىيلايدى، وتانىنا دا پايدا اكەلەتىنى ءسوزسىز.

«قانداي دا ءبىر ماماندىقتىڭ تانىمالدىلىعىنا قاراماۋ كەرەك. بۇل دۇرىس كوزقاراس ەمەس. ادامنىڭ مارتەبەسى ماماندىعىنا بايلانىستى ەمەس، بىلىكتىلىگىنە بايلانىستى ارتادى»، - دەدى ول.