02:13, 29 - قازان 2015 | GMT +5
كانادادا كيتتىڭ كەسىرىنەن كەمە اۋدارىلدى
استانا. قازاقپارات - كاناداداعى بريتان كولۋمبياسى پروۆينتسياسىنداعى توفينو ەلدى مەكەنىنىڭ جانىندا كرۋيزدىك جولاۋشىلار كەمەسىنىڭ سۋعا باتۋى سالدارىنان بەس ادام قازا تاپتى.
ءبىر ادام ءىز-ءتۇزسىز جوعالىپ كەتتى.
جەكسەنبىنىڭ تاڭىندا تۋريستەر توبى مىنگەن "ليەۆيافان II" ءۇش پالۋبالى كەمە اسەرلى ەكسكۋرسيا جاساۋ ءۇشىن تەڭىزگە شىقتى. كەمە تۋريستەر كيتتەردى تاماشالاۋى ءۇشىن ولار مەكەندەيتىن جەرگە كەلىپ جەتكەن. ءجۇزۋ كەزىندە كەمەنىڭ بورتىندا 27 ادام بولعان.
تەرگەۋدىڭ الدىن الا نۇسقاسى بويىنشا، تۋريستەر توبى كەمەنىڭ سول جاق بورتىنا جينالىپ، سۋرەتكە تۇسە باستاعاندا، كيت كەمەگە جاقىنداپ، قۇيرىعىمەن كەمەنى بار كۇشىمەن سوققان. سوققى سالدارىنان كەمە اۋدارىلىپ، سۋعا باتىپ كەتتى، ەكيپاجدىڭ بارلىق مۇشەلەرى مەن تۋريستەر سۋدا قالدى.
ۇلى بريتانيانىڭ بەس ازاماتىن امان قۇتقارۋ مۇمكىن بولمادى. كەمەدە بولعان اۆستراليا ازاماتى ءىز- ءتۇسسىز جوعالعان، دەپ جازادى شەتەلدىك ب ا ق.
