قىزىلشاعا قارسى ەكپە قاۋىپتى ەمەس

استانا. قازاقپارات - بۇل تۋرالى بۇگىن قىزلشاعا قارسى قوسىمشا يممۋنداۋ كامپانياسىنىڭ قورىتىندىسى بويىنشا وتكەن بريفينگىندە ق ر دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى الەكساندر سوي ءمالىم ەتتى.

«بيىلعى جىلدىڭ 9 ايدىڭ قورىتىندىسى بويىنشا قازاقستاندا 97 پايىز جاس ءوسپىرىم ۆاكسيناتسيالاندى. بۇگىندە رەسپۋبليكا بويىنشا 2314 ادامنان قىزىلشا اۋرۋى بايقالسا، 14 جاسقا تولماعان 697 بالا قىزىلشا دەرتىنە شالدىعىپ وتىر. ال، ەكپەدەن وتكەن ادامدار اراسىندا يممۋنيزاليزاتسيالاي ناتيجەسى بويىنشا جاعىمسىز جاعدايلار تىركەلگەن جوق»، دەدى ۆيتسە- مينيستر.

ونىڭ ايتۋىنشا، بۇگىندە قىزىلشاعا قارسى ەكپەنىڭ ميللياردتاعان دوزاسىن پايدالانۋ ناتيجەسىندە الەمنىڭ بىردە- ءبىر ەلىندە كىسى ءولىمى تىركەلگەن ەمەس.

«د د ۇ- نىڭ مالىمەتىنشە، قىزىلشاعا قارسى ەكپە ونداعان جىلدار بويىنا بۇكىل الەمدە تابىستى قولدانىلۋدا جانە قاۋىپسىزدىك تۇرعىسىنان وتە جاقسى سيپاتقا يە. قازاقستاندا يممۋنداۋ شاراسى ءۇشىن ءۇندىستاننىڭ «State Serum Institute» كومپانياسىنان ساتىپ الىنعان قىزىلشاعا قارسى مونوۆالەنتتى ءتىرى ەكپە قاۋىپسىز جانە ءتيىمدى بولىپ تابىلادى.

ال، بۇگىندە قىزىلشاعا قارسى ەكپەنىڭ ميللياردتاعان دوزاسىن پايدالانۋ ناتيجەسىندە الەمنىڭ بىردە-ءبىر ەلىندە كىسى ءولىمى تىركەلگەن ەمەس. سول سەبەپتى دە اتا- انالاراعا ايتارىم بۇل ۆاكسيناتسيالاۋدان قورقۋدىڭ ەش كەرەگى جوق. ەگەر ادامدا قانداي دا ءبىر اۋرۋعا قارسى يممۋنيتەت بولماسا، ول قاتەرلى اسقىنۋلارعا جانە ءولىم- جىتىمگە اكەپ سوعاتىنى بەلگىلى. سول سەبەپتەن اۋرۋدىڭ الۋ ءۇشىن ءاربىر بالاعا ەكپە سالۋدى قاداعالاۋ كەرەك»، دەدى ا. تسوي.

ايتا كەتەيىك، اعىمداعى جىلدىڭ 1 -قازانىنان باستاپ 15-19 جاس ارالىعىنداعى جاسوسپىرىمدەردى قىزىلشاعا قارسى يممۋنداۋ كامپانياسى ءوز جۇمىسىن باستاعان بولاتىن.

Baq.kz