وتاندىق شوۋ- بيزنەستەگى جاسقا قارامايتىن جۇلدىزدى جۇپتار
اسانالى ءاشىموۆ
فوتو: yvision.kz
بەلگىلى اكتەر اسانالى ءاشىموۆتىڭ جارى باعدات وزىنەن 33 جاس كىشى بولسا دا، جۇبايلار تاتۋ- ءتاتتى ءومىر سۇرۋدە. ولاردىڭ اسانالى ەسىمدى ۇلدارى بار.
ءمادينا ءسادۋاقاسوۆا
ءانشى ءمادينا ءسادۋاقاسوۆانىڭ كۇيەۋى ولجاس وزىنەن 7 جاس كىشى. جاس شاماسى ەداۋىر بولسا دا، ءمادينا ءاردايىم كۇيەۋىنىڭ ايتقانىن ەكى ەتكىزبەيدى ەكەن. ءانشىنىڭ سوزىنشە، ولجاستىڭ ومىردەن تۇيگەنى كوپ.
"ولجاستىڭ جاسى مەنەن كىشكەنتاي بولعانىمەن، كورگەنى كوپ. كەيدە ماعان اقىل ايتىپ وتىرادى"، - دەيدى ءانشى.
قىدىرالى بولمانوۆ پەن قاراقات ءابىلدينا
جۇبى جاراسقان جۇلدىزداردىڭ ىشىندە قىدىرالى مەن قاراقاتتىڭ وتباسى دا ەرەكشە ورىن الادى. جۇبايىنان ەداۋىر كىشى قاراقات قىدىرالىمەن ستۋدەنت كەزىندە باس قوسقان.
رۇستەم نۇرجىگىت
رۇستەم نۇرجىگىت ايەلىنەن ءبىرشاما كىشى. ءانشى جارىنىڭ ناقتى كىم، قانشا جاسقا وزىنەن ۇلكەن ەكەنىن ايتۋدان باس تارتادى.
ەركىن نۇرجانوۆ
ال 2- رەت ۇيلەنگەن ەركىن نۇرجانوۆ ايەلىنەن 14 جاسقا ۇلكەن ەكەن.
بولات جولداسوۆ
فوتو: vk.com
ۇلىقپان جولداسوۆتىڭ ۇلى بولات جولداسوۆ تا وتكەن جىلى وزىنەن 9 جاس كىشى 17 جاسار قىزدى وزىنە جار ەتتى.
ءدىلناز احماديەۆا
ءانشى ءدىلناز احمادييەۆا تۇرمىسقا شىققاننان كەيىن جارىنىڭ كىم ەكەنىن حالىقتىڭ نازارىنان تىس ۇستاعاندى ءجون دەپ تاپتى. ءتىپتى توي سۋرەتتەرىن دە ەشكىمگە جاريالاتپادى. ءبىراق، ەل اراسىندا ءدىلنازدىڭ كۇيەۋى وزىنەن 6-7 جاس كىشى دەگەن پىكىرلەر تەز ءمالىم بولدى.
گۇلنۇر ورازىمبەتوۆا
ءانشى گۇلنۇر ورازىمبەتوۆا وزىنەن 21 جاس ۇلكەن مەملەكەتتىك قىزمەتكەرگە تۇرمىسقا شىققان. دەپۋتات پەن ءارتىس بۇگىندە ەكى بالا تاربيەلەپ وتىر.
"ول كىسى سپورتپەن تۇراقتى اينالىسادى. كەيدە ءتىپتى قيمىل- قوزعالىسى مەنەن شيراق"، - دەگەن ەدى ءانشى ومىرلىك جارى جايلى.
اقبوتا كەرىمبەكوۆا
اقبوتا كەرىمبەكوۆا دا وزىنەن كىشى جىگىتكە تۇرمىسقا شىققان بولاتىن. ءبىراق ءبىراز ۋاقىتتان سوڭ قوس عاشىق اجىراسىپ كەتتى.
ءداۋىت شايحيسلاموۆ
فوتو: rus-img.com
تانىمال ازىلكەش ءداۋىت شايحيسلاموۆتىڭ جۋرناليست ءارى پروديۋسەر دانا ورمانبايەۆامەن وتاسقانىنا بىرنەشە جىلدىڭ ءجۇزى بولعان. ءداۋىت ءوز جارىنان 10 جاسقا كىشى. ولاردىڭ ورتاق ۇلى مەن قىزى بار.
بايان نۇرمىشيەۆا
ءانشى بايان نۇرمىشيەۆانىڭ جارى ەرلان ورىنباساروۆ تا جارىنان الدەقايدا كىشى. ءبىراق باياننىڭ پروديۋسەرى جاسى كىشى بولسا دا، پروديۋسەرلىك قىزمەتىندە دە، ومىردە دە باسىمدىق تانىتادى.
NUR. KZ
