ءبىرقاتار مەملەكەتتىڭ ەلشىلەرى ق ر پرەزيدەنتىنە سەنىم گراموتالارىن تاپسىردى - فوتو
«سىزدەردى ەلىمىزدەگى ديپلوماتيالىق قىزمەتتەرىڭىزدىڭ رەسمي تۇردە باستالۋىمەن قۇتتىقتايمىن. ەلارالىق ىنتىماقتاستىقتى دامىتۋ جولىنداعى جۇمىستارىڭىزعا زور تابىستار، وزدەرىڭىزگە دەنساۋلىق تىلەيمىن.
سىزدەر بىزگە مازمۇندى ءارى ماڭىزدى وقيعالارعا تولى كەزىڭدە كەلىپ وتىرسىزدار. قازاقستان حالقى جۋىردا قازاق حاندىعىنىڭ 550 جىلدىعىن اتاپ ءوتتى. ەرتە زاماندا ۇلى دالا شىعىس پەن باتىستى جالعاعان ۇلى جىبەك جولىنىڭ ورتالىعى بولعان. قازاقستان جىبەك جولى ءداستۇرىن جاڭعىرتا وتىرىپ، ءوز دامۋىنىڭ جاڭا بەلەسىنە كوتەرىلدى»، - دەدى ق ر پرەزيدەنتى.
اتاپ ايتقاندا، مەملەكەت باسشىسىنا سەنىم گراموتالارىن قازاقستانداعى ەو وكىلدىگىنىڭ جاڭا ەلشىسى ترايان لاۋرەنسۋ حريستەا، ماجارستان توتەنشە جانە وكىلەتتى ەلشىسى اندراش باراني، پولشا ەلشىسى ماچەي لانگ، ۆەتنام ەلشىسى دوان تحي حيەن سۋان، سونداي- اق تۇركيا ەلشىسى نيەۆزات ۋيانىك تاپسىردى.
اۆتور: رۋسلان عابباسوۆ
