قىزعا بارىپ، قۇلدىققا ءتۇستى

استانا. قازاقپارات - اقتوبەدە ەكى ارۋ جاس جىگىتتەردىڭ باسىن اينالدىرىپ، سىبايلاستارىمەن بىرگە قارماقتارىنا تۇسىرگەن.

جىگىتتەر ساتىلىمعا قويىلعان تۇشپارالاردى تۇيۋگە قۇلدىققا جەگىلىپتى. بۇل تۋرالى ەكسپرەسس ك- عا سىلتەمە جاساپ NUR. KZ حابارلايدى.

ءۇش كۇن توقتاۋسىز جۇمىس ىستەتكەننەن كەيىن ولار قۇرباندارىن جايىنا جىبەرە سالادى ەكەن. رەداكسياعا وسىنداي قاتىگەز تۇشپاراشىلارعا الدانىپ قالعان جىگىتتەردىڭ ءبىرى حابارلاستى. ءوز ەسىمىن قۇپيا ساقتاۋىن قالاعان ازامات ءوزىنىڭ قالاي قورلانعانىن بايانداپ بەردى. دوسىمەن بىرگە ديسكوتەكاعا شىققان ول كوركىنەن كوز تايار ەكى ارۋمەن تانىسقانىن ەسىنە الدى. ەكى جىگىت تە بويجەتكەندەردىڭ كەت ءارى ەمەس ەكەنىن سەزىپ، كوزدەرى جانعان. بويجەتكەندەر وزدەرىنىڭ قىمبات سارى كولىكتەرىنە ءمىنىپ، جىگىتتەرگە پاتەرگە بىرگە بارۋعا ۇسىنىس جاسايدى. قۋانا كەلىسكەن ازاماتتار پاتەرگە جەتكەندە ءوز كوزىنە سەنبەگەن. ەشكىم جوق بولۋى ءتيىس پاتەردەن ءۇش ەڭگەزەردەي ەركەك شىعادى. دەنەلەرى ابدەن شىنىققان ەر كىسىلەر ولارعا بويجەتكەندەرگە قول سۇقپاق بولعاندارىن تەك ءبىر شارتپەن كەشىرۋگە ءازىر ەكەندەرىن جەتكىزەدى. ولار ءارقايسىسىنا 400 قوراپ تۇشپارا ءتۇيۋ شارتىن قويادى.

تىعىرىققا تىرەلگەن جىگىتتەر ءۇش كۇن بويى تۇشپارا ءتۇيۋ قۇلدىعىنا تۇسكەن. قىزدار سول كەشتە- اق جاڭا قۇرباندارىن ىزدەپ، اڭشىلىققا شىقتى. قامىرىن ءبىر اجەي جايىپ تۇردى. ال ءبىز تۇيدىك. قويىلعان شارتىن ورىنداعاننان كەيىن ءبىزدى بوساتىپ سالا بەردى. قىزدار سول كەشتە- اق جاڭا قۇرباندارىن ىزدەپ، اڭشىلىققا شىقتى، دەيدى رۋسلان. بويجەتكەندەر مۇنداي جىگىتتەر قۇقىق قورعاۋ ورگاندارىنا حابار بەرە قويمايتىنىنا سەنىمدى بولعان. سولاي بولدى دا. سەبەبى سۇلۋ قىزدارمەن ءتۇنى بويى كوڭىل كوتەرۋدىڭ ورنىنا تۇشپارا ءتۇيىپ شىققانىن مويىنداۋ كوپتەگەن جىگىت ءۇشىن ۇياتتى نارسە. سودان كەيىن ديسكوتەكالارعا باس سۇعۋىن قويعان رۋسلان سول ارۋلاردىڭ ءبىرىن تۇنگى كلۋبتىڭ ماڭىنان كەزدەستىرىپ قالادى. ونى اڭگىمەگە تارتقان ارۋ سەحتىڭ ءالى كۇنگە دەيىن ىستەپ جاتقانىن ايتقان. ايتۋىنشا، تەك ءبىر رەت قانا ويلارى ىسكە اسپاي قالعان. سەبەبى ەرتىپ كەلگەن جىگىتتەردىڭ ءبىرى كاراتەدەن قارا بەلبەۋدىڭ يەگەرى بولىپ شىققان. ول ءۇش ەڭگەزەردەي ەركەكتى سول جەردە ساباپ قويا بەرگەن. كەيىن دوسىمەن بىرنەشە قوراپ تۇشپارانى الىپ، پاتەردەن شىعىپ كەتكەن. دۇكەننەن الگى تۇشپارالاردى كورگەن سايىن زىعىردانىم قاينايدى. بۇل سەح ءالى كۇنگە دەيىن ىستەپ تۇر. سول سەبەپتى مەن وزىمە كورسەتكەن قورلىقتى ۇمىتۋ ءۇشىن استاناعا كوشىپ كەتتىم، دەيدى رۋسلان.