ا ق ش مەملەكەتتىك حاتشىسى قازاقستانعا كەلەدى
بۇل تۋرالى 27- قازان كۇنى جۋرناليستەرمەن وتكەن بريفينگ بارىسىندا ا ق ش مەملەكەتتىك دەپارتامەنتى باسپا ءسوز حاتشىسى دجون كيربي مالىمدەدى، دەپ جازادى ت ا س س.
«مەملەكەتتى حاتشى ءار ەلدىڭ ۇكىمەت وكىلدەرىمەن ەكىجاقتى كەلىسسوزدەر وتكىزۋ ءۇشىن بىشكەك، سمارقاند، استانا، دۋشانبە جانە اشحابادقا بارادى. بۇل - مەملەكەتتىك حاتشى كەرريدىڭ ورتالىق ازياعا جاساپ وتىرعان العاشقى ساپارى»، - دەپ مەملەكەتتىك دەپارتامەنتتىڭ مالىمدەمەسىنىڭ ءسوزىن كەلتىردى ر ي ا نوۆوستي.
ا ق ش مەملەكەتتىك حاتشىسى بىشكەكتە امەريكا ۋنيۆەرسيتەتىنىڭ جاڭا كامپۋسىن جانە ا ق ش ەلشىلىگىنىڭ ءبىر عيماراتىن اشادى. سامارقاندتا كەرري س5+1 اتالاتىن بەس مەملەكەتتىڭ سىرتقى ىستەر مينيسترلەرىمەن كەزدەسەدى. ال استانادا ستراتەگيالىق سەرىكتەستىك اياسىندا وتەتىن ا ق ش- قازاقستان ديالوگى وتىرىسىنا قاتىسادى. اشحاباد پەن دۋشانبەدە ەكى جاقتى ىنتىماقتاستىق ماسەلەلەر تالقىلانادى.
كەرري ورتالىق ازياعا ۆەنادا 29- قازان كۇنى وتەتىن سيريا بويىنشا كەلىسسوزدەرگە قاتىسقاننان كەيىن بارادى دەپ جوسپارلانىپ وتىر.
