جاپونيا قازاقستانداعى ەكونوميكالىق رەفورمالارعا قولداۋ كورسەتەدى
بۇل تۋرالى بۇگىن اقوردادا قازاقستان پرەزيدەنتى نۇرسۇلتان نازاربايەۆپەن كەلىسسوزدەردەن كەيىن جاپونيا پرەمەر- ءمينيسترى سيندزو ابە ايتتى.
«قازاقستان حالىقارالىق ارەنادا، حالىقارالىق قوعامداستىقتا ماڭىزدى ءرول ويناپ وتىر، سونداي- اق قازاقستان جاپونيا ءۇشىن قىمبات سەرىكتەس بولىپ تابىلادى» ، - دەدى ول.
سونىمەن قاتار جاپونيا ۇكىمەت باسشىسى ق ر پرەزيدەنتىمەن كەزدەسۋ بارىسىندا ەكى ەل اراسىنداعى قاتىناستار ماسەلەسى بويىنشا مازمۇندى پىكىر الماسۋ بولعانىن اتاپ ءوتتى.
«مەن ءبىزدىڭ كەزدەسۋدىڭ ءۇش ماڭىزدى ناتيجەسىمەن تانىستىرعىم كەلەدى. ءبىرىنشىسى، جاپونيا بۇدان ءارى قاراي دا قازاقستانداعى ەكونوميكالىق رەفورمالاردى قولدايتىن بولادى، ياعني بۇل تۇرعىدا مەملەكەتتىك قۇرىلىمداردى، سونىمەن بىرگە جەكە سەكتوردى دا قولدايمىز. ءبىز وسى جايىندا ۋاعدالاستىق. اتاپ ايتقاندا، قازاقستانداعى قۇرىلىسى جوسپارلانىپ وتىرعان ا ە س- كە توقتالاتىن بولساق، ءبىز ونى جۇزەگە اسىرۋ بويىنشا ءوزىمىزدىڭ ءوزارا ءىس- قيمىلىمىزدى نىعايتۋعا نيەتتىمىز. ءبىز وسىنى راستادىق. سونىمەن قاتار ونەركاسىپ سالاسى مەن مەديتسينادا جاپوندىق دياگنوستيكا جۇيەسىن ەنگىزۋ ءۇشىن بىلىكتى كادرلاردى دايارلاۋ سالاسىندا جاڭا ىنتىماقتاستىق باستالادى. وسى ورايدا ءبىز بەلسەندى تالقىلاۋلار جۇرگىزەمىز جانە وسى شارالاردى كەلىستىك» ، - دەدى سيندزو ابە.
ءوز كەزەگىندە ق ر پرەزيدەنتى ەكىجاقتى ىنتىماقتاستىقتىڭ باسىمدىقتى سالالارىن اتاپ ءوتتى.
«ءبىزدىڭ ويىمىزشا، سيرەك كەزدەسەتىن مەتالداردى بارلاۋ، اتوم ەنەرگەتيكاسى، بانك سەكتورى، حيميا ونەركاسىبى، اۋىل شارۋاشىلىعى، كولىك سالاسىنداعى ىنتىماقتاستىق وتە ماڭىزدى» ، - دەدى ەلباسى.
