ەكى اياقتى ءيت عالامتور جۇلدىزىنا اينالدى - كەسكىن

استانا. قازاقپارات - ا ق ش- تا بونساي اتتى ءيت عالامتور جۇلدىزىنا اينالدى. جارتى ومىرتقامەن تۋىلعان ءيتتىڭ سۋرەتى قازىر Facebook جانە Instagram-دا تولىپ ءجۇر، دەپ حابارلايدى The Daily Telegraph.

سالپاڭ قۇلاقتىڭ سۋرەتتەرىن ونى باعىپ-قاعىپ جاتقان جانۋارلارعا ارنالعان ارنايى مەكەمەنىڭ قىزمەتكەرلەرى عالامتورعا جاريالاپ جىبەرگەن.

بونسايدىڭ تانىمال بولىپ كەتكەنى سونشالىق، قازىر ونىڭ سۋرەتى بار فۋتبولكالار مەن برەلوكتار شىعارىلا باستاپتى. بۋلدوگ سيرەك كەزدەسەتىن ساكرالدى اگەنەزيا اۋرۋىمەن تۋىلعان.

ارتقى اياقتارى وتە كىشكەنە جانە ونىڭ تىرشىلىك ارەكەتىنە ەش جارامسىز بولعاندىقتان، امپۋتاتسيالاۋعا تۋرا كەلىپتى. سول سەبەپتى بونساي تەك باۋىرلاپ عانا قوزعالا الادى، دەپ جازادى lenta.ru.

دايىنداعان: گ. ابيلوۆا

www.24.kz