قازاقستاندىق ارنايى ماقساتتاعى جاۋىنگەرلەر الەمدىك ارەنادا ەكىنشى اتاندى - فوتو

 استانا. قازاقپارات - برەكون شەت ايماعىنىڭ (ۋەلس،  ۇلى بريتانيا) «قارا تاۋلار» الابىندا جىل سايىن وتەتىن «كەمبريالىق پاترۋل» حالىقارالىق وقۋ- جاتتىعۋى اياقتالدى.

بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلادى.

 اپتا بويى 23 ەلدەن جينالعان 126 كوماندا 65 شاقىرىمدىق مارشتى وتۋدەن جانە كوپتەگەن جاۋىنگەرلىك تاپسىرمالاردى ورىنداۋدان وزدەرىنىڭ شەبەرلىكتەرىن پاش ەتتى. كوماندالار ءارقايسىسىندا 18 كوماندادان 7 لەككە ءبولىندى.

قازاقستاندىقتارمەن بىرگە مارشقا بوسنيا، دانيا، يرلانديادان كەلگەن بولىمشەلەر مەن بىرىككەن پاتشالىقتىڭ ءارتۇرلى تەكتەرى مەن اسكەر تۇرلەرىنەن باس قوسقان 14 كوماندا قاتىستى. ق ر قورعانىس مينيسترلىگىنىڭ ارنايى ماقساتتاعى بولىمشەسى اتالعان ءىس- شاراعا ەكىنشى مارتە قاتىسىپ وتىر.

«مۇنداعى كليمات وتە قاتال، - دەدى قاتىسۋشىلاردىڭ ءبىرى. ءبىر اپتا بولعان كەزىمىزدە ءبىز بىردە- ءبىر رەت كۇننىڭ شۋاعىن بايقامادىق، كۇنى بويى جاڭبىر سىركىرەدى، ءار قادام باسقان سايىن باتپاق، قالىڭ نۋ ورمان».

 ۇيىمداستىرۋشىلاردىڭ سوزىنە قاراعاندا، وتكەن جىلى قازاقستاندىقتار ەلىمىزگە قولا مەدال اكەلگەندە شارتتار جەڭىلدىرەك بولدى.

 «2015 -جىلى ءبىز كەزەڭدى كۇشەيتتىك، - دەپ ءتۇسىندىردى وقۋ- جاتتىعۋدى ۇيىمداستىرۋشى مايور دجەيمس. ارا قاشىقتىق 50 دەن 65 شاقىرىمعا وزگەرتىلدى، ءبىز ناۆيگاتسيا اسپاپتارىن قولدانۋعا تىيىم سالدىق، ونىڭ ۇستىنە قاتىسۋشىلارعا بىرنەشە توسىنسىي ازىرلەپ قويدىق».

 نەگىزگى اكسەنتتى ۇيىمداستىرۋشىلار قارسىلاستىڭ ورنالاسۋ ورنىن اشكەرەلەۋ، زاڭسىز قارۋلى قۇرالىمدى جويۋ، العاشقى مەديتسينالىق كومەك كورسەتۋ، كەپىلدىككە الىنعانداردى بوساتۋ جانە كوشىرۋ، سونداي- اق سۋ بوگەتتەرىن بۇزىپ ءوتۋ بويىنشا تاپسىرمالاردى ورىنداۋدان تۇراتىن كوماندالىق جۇمىسقا بۇردى. سارەدەن كەيىنگى ەكىنشى تاۋلىكتە قازاقستاندىق جاۋىنگەرلەر 13 كوماندانى باسا وزىپ، سالدارىنان ونىڭ 8 قاتىسۋدان باس تارتىپ، قاشىقتىقتان اۋىتقىپ كەتتى. ناتيجەسىندە ق ر  ق م ارنايى ماقساتتاعى اسكەري قىزمەتشىلەر ەكىنشى بولدى. كۇمىس مەدالداردى ولارعا  ۇلى بريتانيا ق ك 160- تەڭىز جاياۋ اسكەرى بريگاداسىنىڭ كومانديرى تابىس ەتتى. ەۋروپادا «كەمبريالىق پاترۋل» وقۋ- جاتتىعۋى ەڭ كۇردەلى بولىپ سانالادى. بۇل قاشىقتىقتى ساۋساقپەن سانارلىعى وتەدى. مۇنداي قاشىقتىقتى ءساتتى ەڭسەرىپ، جۇلدەلى ورىنداردى يەمدەنگەندەر كوپ ەمەس. ق ر  ق م قازاقستاندىق ارنايى ماقساتتاعى جاۋىنگەرلەرى ارميامىز مىقتىلار قاتارىندا ەكەنىن الەمدىك ارەنادا دالەلدەپ، مويىنداتتى.